大坑小館 嘗國寶級紅蝦
大坑雲集特色小店，區內的清酒吧日本料理薄餅店不缺，卻鮮見像「漁悅」般以海鮮作主打的西式小館。店子從外地直接引入精品海鮮，產地包括斐濟、西班牙、法國、蘇格蘭，甚至馬達加斯加，唔靚唔用，做法更在傳統中糅合新派點子，配以柔和骨子的裝潢格局，演繹出自成一格的個性味道。
踏入「漁悅」，像走進別人的家，地方細細只能容納十多人，卻在擺設上見心思，淺啡色梳化與明亮的用色，感覺簡潔舒適；餐桌的盡頭與廚房以大玻璃相隔，飽覽整個海鮮Showcase，加上玻璃上的手寫推介，氣氛倍感輕鬆自然。
精挑罕有食材
一眼望去，Showcase內生蠔龍蝦海鱸青口大蜆俱備，當中更有不少罕見貨色，像斐濟劍魚、美國珍寶帶子、蘇格蘭三文魚等，尤以西班牙深海2,000米的紅蝦最為特別，每公斤足6至8頭被喻為國寶級出品，特點是蝦膏香濃甘甜，能媲美大閘蟹膏，加上蝦肉爽甜鮮美，難怪身價不菲，故此大廚將其作刺身和烤焗兩食，前者配以瑞典甜酒啫喱，後者放入焗爐烤香，集合鮮、甘、甜，絕配！
摩登菜式配搭
店子主打西式做法，如白酒煮、烤焗、慢煮等，當中以海鮮濃湯最予人驚喜。傳統的番茄海鮮濃湯以熬足一日的魚湯炮製，並加入炒過的青口、蝦等熬煮，而亮點是上枱前附有一碗潮州米通，客人自行把米通放在濃湯同吃，口感卜卜脆像吃Cereal似的，配搭新穎。順帶一提，店子在星期二至五設Lunch Buffet，分為兩個價錢，較貴的可任食火山石燒海鮮，較平的只可柯打一次，但皆可任點任食Menu內其餘十多款菜式，划算又能吃出優質午餐，值得推介！
Shop Info
漁悅
地址：大坑施弼街23號地下B舖
電話：2590 0690
深海珍寶紅蝦兩食 $358/2隻
國寶級的紅蝦來頭不小，蝦身做成刺身伴以瑞士甜酒啫喱，突出鮮甜；蝦頭卻以烤焗炮製，蝦膏豐腴甘香，蝦中極品。
法式忌廉蠔湯 $98
傳統的蠔湯簡單以日本廣島蠔入饌，入口鮮味滿瀉，卻比坊間的更清香，做得相當出色！
番茄海鮮伴米通 $158
濃郁的海鮮湯酸咪鮮香，最讚是加入潮州米通吃，口感脆卜卜，過癮！
法式紅酒燉牛脊肉 $328
除了海鮮外，店子亦有少量肉食菜式，以美國Prime Grade的Rib Eye先焗香再用紅酒等慢煮幾日，肉質軟熟腍身，表面更帶微焦，夠晒香口。
紙包香茅時蔬焗原條法國海鱸 $278/位 （兩位起）
約800克重的海鱸魚加入已爆香的雜菜、蒜片、乾葱等同焗，拆開香氣滿室，口感嫩滑而鮮味，推介！
（左）Jean-Rene Germanier, Classiques, Amigne De Vetroz 2011 Switzerland $980、（右）Jean-Rene Germanier, Reserve, Cornalin Reserve AOC Valais 2009 Switzerland $1,480
餐廳供應來自瑞士的葡萄酒，由於出口量少，香港坊間少見，必試！
店子地方小小卻相當骨子，用色簡潔清雅，很Homey。
開放式的廚房以玻璃相隔，來自歐美等地的海鮮琳琅滿目，盡現眼前。
漁悅