3家啦OK聖誕喪唱K Party

唔少人都會搞聖誕K局，不過出面唱K既限時限刻，收費仲絕不便宜！雖則話屋企唱都得，但那部老爺卡啦OK系統超大部兼要頻頻換碟，一樣好麻煩！幸好，3家居寬頻日前推出「3家啦OK」服務，$20月費再配合小巧Android K Box就可大唱特唱；唱完仲可以放上網，等你同朋友互鬥歌喉！

輕鬆遙控點歌

以前在屋企唱K，又要駁Amp又要換碟，勞師動眾絕不享受。「3家啦OK」接駁方法容易得多，申請服務後會得到一個由Olevia製造的Android K Box，它設有色差及HDMI線輸出，接駁電視後再開啟選曲Menu，便能如K房般用無線遙控點曲，之後相關MV便會從雲端下載，拿起咪就可大唱飲歌。而由於Android K Box內置了1.2GHz三核心處理器及1GB RAM，因此除唱歌外，還能如Android Gadgets般上網打機，甚至可分享寬頻，一物多用！

熱唱人氣金曲

接駁容易，歌庫又如何？暫時歌曲全由英皇娛樂提供，全部正版兼有超過一千首MV，一些大熱K歌如《霧裏看花》、《告別我的戀人們》等當然有得唱；而歌星選擇亦很豐富，容祖兒、古巨基、Twins、林峯、泳兒及羅力威等應有盡有。最正是有埋飛圖時代歌曲，正好趁卿姐回港唱番首《擋不住的風情》！官方指歌庫內容還會不斷更新，日後會邀請更多唱片公司加盟，而一台Android K Box則有8GB容量，約可儲存100首MV。

支援邊唱邊錄

聖誕節愛人不在身邊，若想唱番首動人情歌給對方，此服務亦幫到手！事關Android K Box對應外置Webcam，可一邊唱歌，一邊把畫面及聲音錄製下來，完成後可經電郵、Facebook或Twitter分享出去，好讓閣下憑歌寄意！收費方面，客戶即日起只需以優惠價$1,500，即可選購原價$2,399的Android K Box，其後月費$20；若連1G光纖寬頻一起申請，總月費則為$323。另外，優惠期內申請，更可獲得三張Neway $100禮券，等大家練好歌喉後出外Show Off！

使用步驟

Step 1. 同K房一樣，介面有齊男女歌手、組合及熱門歌曲等分類。

Step 2. 提供過千首K歌，見到心水按下「點歌」即可下載。

Step 3. MV從雲端下載過來，速度頗快，唔識唱的話可開埋伴唱。

Step 4. 有埋搜尋功能，但暫時只認到歌名，歌星名認唔到。

Step 5. 唱歌時開埋Webcam錄影，就可在右上角見到自己。

Step 6. 錄影後可分享到各大社交網，實行與眾同「樂」！

Step 7. 唱歌以外，Android K Box還可以上網、玩Apps，功能多多。

查詢︰3166 2222