AIX海賊王Cosplay

家陣啲小朋友睇漫畫專睇Boy's Love，睇動畫就要3D，想當年80後少男少女無不為畫功一般但情節緊湊的冒險漫畫《海賊王（One Piece）》而瘋狂。這部漫畫自1997年連載至今已發行超過2億6千萬冊，長賣長有，第12部劇場版動畫《One Piece Film Z》亦會於本月15日在日本正式上映。內容除了加入新角色外，最令小記感興趣的是，主角們將穿着由AIX Armani Exchange提供的服裝在部分場景亮相！單看宣傳照已覺有型有款，更過癮的是，待動畫上映後，部分服飾便會在品牌涉谷店開售，換言之，大家都可以齊齊玩海賊王Cosplay！記得之前主角魯夫先後穿着日本時尚品牌《Sophnet.》，以及與日劇天王木村拓哉登上《Men's Non-No》封面，唔知呢本友好雜誌今個月會點Sell呢？