香氣派對

不少公司也愛搞活動吸客，早前小記參加了一個蠟燭品牌的周年活動，想不到如此浪漫！派對在店內舉行，品牌走時尚品味路線，四處不但點起香味蠟燭，更請來樂手即席演奏古典音樂，燭光加旋律，甚有情調。氣氛極好之餘，現場紅白酒任飲，不少來賓當正自己去了Clubbing，拎着酒杯滿場飛，有些更索性在店外圍圈品酒聊天，風景就像外國的街角。Have Fun！

Karen K Reporter

1蚊雞絲帶

近日經過旺角洗衣街，發現有間專賣聖誕嘢嘅Pop Up Store，貨品走歐陸路線，各式各樣嘅裝飾品都有，大至聖誕樹、雪人公仔，細至聖誕掛飾等，價錢好平，聖誕掛飾只是5蚊起。至於我呢，就買咗3卷絲帶，簡直平到笑，狗狗圖案就貴啲，要3蚊，其他兩款只係1蚊雞，當然啦！價錢唔同，長度亦唔同，1蚊只長2呎左右，不過真係又平又靚，用來包小禮物一流！

WL Reporter

墨西哥「趣」片

臨近年尾，是大家搞聚會的好時機，交換禮物少不免。臨急臨忙去買的話，通常都難以揀到啱心水又合乎價錢限制的禮物，故最好在平日搜集定禮物情報。某天閒逛商場，見到這包貌似很美味的墨西哥脆片……Memo套裝。包裝像真度高，除了Memo是脆片形狀，仲有Cheese Aroma，平日在辦公室使用，不知能否望梅止渴？還是會引發無窮欲望？無論如何，我已決定將其列入$50以下禮物之選！

Ivy Reporter

環保聖誕

坊間的聖誕布置，通常都係用完即棄，明年又要再買過，真係好唔環保。今年發現傢俬品牌Tree都推出了聖誕裝飾，樣靚之餘更加係環保之選，因為全部採用菲律賓海灘廢棄的漂木製成，夠晒天然獨特，雖然價錢由$95-$1,250，貴咗少少，但今年用完收番埋，明年又可以拎番出來用，用多幾年乜都抵番晒啦！搵日去掃番幾件，搞番個Warm X'mas畀自己先得！

Sammie H Reporter

Piggy Christmas

今時今日，聖誕節的商場布置已經不止得聖誕老人同聖誕樹喇！某日工作後行過尖沙咀K11，商場摒棄傳統布置，放隻桃紅色的充氣飛天豬出來。咦？聖誕節又關「豬」事呀？原來隻豬仔係由韓國藝術家Choi Jeong Hwa（崔正化）精心設計，豬仔被風吹動就會膨脹收縮，代表不斷循環的生命周期！翻看資料，原來「豬」在韓國還有祝福的意思！其實唔一定要豬年先至要擺豬上台，聖誕節都一樣得！

Carol Reporter