《元氣壽司手機App》遙距取票代你等位

香港人特別鍾意食壽司，所以常見店外排了長長人龍。近日元氣壽司便推出了智能手機應用程式《元氣壽司手機App》，能夠遙距取票代你等位。App中更包羅了多項方便功能，如最新消息、瀏覽餐牌、搜尋分店位置及會員專區。至於遙距取票則步驟簡單，顧客先以會員卡編號及密碼登入，再運用全球定位系統（GPS）選擇附近分店，便能即時輪候座位，過程方便又爽手！

系統：Android 2.2以上、iOS 4.0以上

下載費用：免費

《Line Pop》熊仔玩方塊

雖然現實世界裏，熊是一種兇猛無比的捕獵者，不過一去到App平台，即刻變得可愛又趣致。如果你是熊仔粉絲，玩Line的小遊戲《Line Pop》一定令你滿心歡喜。以小熊為主題的《Line Pop》，玩法跟寶石方塊好相似，將三個相同的圖案拼在一起並消除，即可獲取分數。講到遊戲的最大特色，當然是用上熊仔、鴨仔、貓仔等萌到爆燈的圖案，消除圖案時樣子又特別搞笑，應該可以吸引唔少女生玩，仲可以和Line上的朋友在分數上比個高低呢。

系統：Android 2.2以上、iOS 4.0以上

下載費用：免費

《九把刀電子書大全集》完全正版

用上「九把刀」名字的Apps舉目皆是，不過全部都未經授權，換言之即是盜版，早前小說家九把刀就為此事與蘋果電腦折騰一番。至於今次介紹的《九把刀電子書大全集》，則是由九把刀本人全權負責的正版，而且完全免費，內裏收錄了《魔力棒球》、《少林寺第八銅人》等經典著作，並分類為小說類、電影院、都市恐怖病、殺手系列等，加上介面簡潔清晰，睇落特別舒服，就算長時間閱覽都唔會咁易疲勞，刀迷們點可以錯過？

系統：iOS 5.0以上

下載費用：免費

《Manga Face Camera》齊做「3」眼仔

如果你自問影相多過食飯，應該已經玩盡所有拍攝Apps。覺得自己已達到了瓶頸位，玩無可玩？嘗試下載《Manga Face Camera》吧，相信能夠令你重燃自拍的意欲。大家有冇睇過七、八十年代的日本漫畫，好多時主角脫下眼鏡後，眼睛就會變成「3」字來表現視野很模糊？而呢對咁搞笑的「3」眼，你都可以據為己有，皆因此App能夠把相片轉換成「3」眼，雖然看似很無聊，不過一大班影合照其實幾搞笑，要玩得傳神，唔該大家首先準備一副眼鏡做道具，保證可以賺到唔少Like。

系統：Android 2.2以上

下載費用：免費

《Cooking Master》大廚煮到冇停手

如果你鍾意烹飪，又想體驗做大廚的樂趣，《Cooking Master》可以滿足到你。此乃以食物作主題的遊戲，扮演大廚的你，要在顧客等到生氣前餵飽他們，而每位顧客都會有唔同的要求，只要在限時內將烹調好的菜式送到他們面前就得。大家唔好以為玩法好簡單，其特點是節奏明快，肯定會令人手忙腳亂，手腳慢少少隨時趕客，所以遊戲設有休閒模式和時間模式，當中休閒模式仲有三種唔同難度，還有本地和在線積分榜，睇睇誰是大廚中的大廚。

系統：Android 2.2以上

下載費用：免費

《Predators》化身鐵血戰士

有冇睇過由阿諾舒華辛力加主演的經典電影《鐵血戰士》？如果有睇過，十個有九個都鍾意Predator多過阿諾，而扮Predator亦係當年唔少人的夢想！依家呢個夢想終於可以實現，3D動作遊戲《Predators》就是要玩家扮演型到爆的Predator在叢林廝殺，相信是參照電影的第一集作背景，當中唔少得Predator的先進裝備，如熱能感應、紅外線死光等均會重現，仲有招牌的獵頭情景。不過大家請注意，遊戲內含血腥元素。

系統：Android 2.2以上、iOS 3.1.3以上

下載費用：$23.17（Android）、$8（iOS）