重口味萌萌槍
大玩偏門嘅《非公認戰隊》，搵嚟三位宅男宅女組成「AIKBA Ranger」，拍埋貼滿萌妹拉花嘅「痛車」，變身機械人儆惡懲奸；唔只戰隊及痛車，就連佢哋嘅變身器「萌萌槍」都商品化，仲係1/1比例，跟足原著變Figure之餘，仲有發聲功能，夠晒重口味！雖然成支槍都冇合金成分，只係用實心PVC製成，估唔到都幾墜手，造工拍得住劇中嘅實物道具，槍身塗裝有珍珠色金屬效果，又落埋戰隊標誌，細節統統交足貨。由Gun Mode變身Figure Mode亦相當簡單，揭開槍身兩側外殼，扭轉裏面嘅公仔頭，再調整雙腳，以及外殼變成嘅「髮飾」就大功告成，而且喺槍柄裝番兩塊LR41電餅，就會聽到由萌妹嬌美聲線演繹嘅日文「出擊」！以及發射聲效，萌毒奇重！
查詢：2148 9483（精品）
《非公認戰隊》DX MMZ-01 MoeMoe Zukyuu萌萌槍 售價：$498
變身Figure Mode，槍殼及槍柄分別變成髮髻及長辮，瞄準器就變成右手。
將兩塊餅電放入槍柄，就玩到發聲效果，開關掣設喺槍柄頂端，都算就手。
Figure Mode以中學校服造型示人，夠晒「卡娃兒呢」。
變成右腳嘅槍管需要縮入少少、左腳同時張開，先至企得穩。