收到鳥

做記者一年到晚總會收到不少PR朋友所送贈的小禮物，雖然每件包裝都極為精緻美輪美奐，匙扣、電話殼以至Schedule Book確實製作出色，但當匙扣多到扣唔落「抽」鎖匙、一些3G年代的iPhone Case、2010年或以前的Schedule Book還未開封時，你會知道這些小禮物有時其實好「雞肋」！而最近收到的這個「憤怒鳥」Boxset就實用得多，內裏又大小毛巾又保暖耳套仲有小玩具加紋身貼紙，最緊要樣樣設計夠「抵死」，搞到從未玩過Angry Bird嘅我亦立刻為iPhone「單撈」番個Game玩下！（P.S.我承認在iPhone Apps方面我係比較Out！）

Pasu Reporter

啤牌 蝙蝠 菱格被?

得知Lilian（何嘉莉）與其好友兼時裝品牌Moiselle主理人Harris（陳柏熹）喺銅鑼灣合資開咗間Dour Studio樓上時裝店，早幾日趁經過白沙道，以9秒9衝上去望望有咩主打貨色，點知撞正兩位老闆坐鎮，推介之下，入手買了這件來自澳洲的Cameo斗篷，原以為店中只賣貴價貨，估不到也有親民貨色，埋單$1,080，合理！首天穿起這件斗篷，各有不同反應，阿妹話似童話故事中的啤牌人，同事話似女蝙蝠俠，計我話，就似一張菱格圖案嘅被多啲。

Candy Reporter

九龍城Style

小記上星期本着買平書的心態，跟朋友結伴到九龍城書節。殊不知賣書的不多，卻發現不少賣飾物的手作地攤。像圖中超得意的Power Ranger耳環，35蚊就有交易，所以想也沒想就決定買下，打算做Styling工作時用嚟搭配。

在書節瘋狂購物後途經獅子石道，被裝潢充滿美國小鎮大街風味的Seven Kee Closet吸引住。翻查資料，原來這間是在九龍城屹立超過半世紀的出口店 「七記」。在數月前完成翻新工作，現時主要賣來自日、韓的出口成衣，而且比旺角女人街那些來得整齊有致。鍾情於出口店價廉物美的人，不妨去搜羅心頭好！

Keith Reporter

甜到漏的法式玻璃瓶

臨近聖誕，陸續收到各大品牌寄來的聖誕Press Kit，每日返公司見到工作枱堆滿幾乎淪陷的紙袋，第一件事就要即時拆袋清理現場，才可埋機安心工作。呢啲時候，不論產品如何名貴，包裝如何精美，其實都沒有心情細看，一心只想有咁快得咁快Clear。最近收到資生堂送來有成呎高的巨型玻璃瓶，不得不停低幾秒行個注目禮。那是放在法式糖果店的鐘形玻璃瓶，加上長絲帶的裝飾非常Fancy，掀開蓋後更不禁嘩一聲！在半滿的粉紅珍珠和銀珠池，內藏最新出品的Bio-Performance系列的面霜和精華，還有巨型波板糖和拉絲糖伴襯，成件事真係夠晒甜！雖然包裝與產品關係不大，但也十分佩服公關們的無窮創意，起碼至少贏得注意，留下深刻印象！

Moe Reporter