阿拉岡教用機上逃生設施
大家最近行街有無留意「哈比人」 返咗嚟？身為粉絲嘅你當然會買飛入場睇啦！昨夜咕嚕就帶咗阿拉岡嘅口訊畀我，話一向支持本土經濟和形象嘅新西蘭航空，請咗佢哋上飛機開Party，順便拍埋機上安全示範影片，精靈化身空姐空少，而阿拉岡就教大家使用機上的救生設施，導演Peter Jackson都上鏡癲埋一份，依家新西蘭航空全線航班都有得睇啦！除咗「哈比人」 ，新西蘭的All Black欖球隊亦世界聞名，航空公司特別挑選同樣碩大無比，步大力雄的777-300飛機作全黑色演繹，機身尾部添上All Black徽號，經濟艙座位同樣換上黑色座墊，內外夠晒統一，據知現時只此一架，坐唔坐到就要睇大家運氣了！
網址：www.airnewzealand.com.hk
航空公司為All Black欖球隊推出的全黑版777-300飛機。