Foodies' Notes：星期美點──甜腸粉

生意難做，為了吸引更多人去酒樓飲茶，老闆們都會於不同時段推出優惠，例如下午茶特價點心。而講到六、七十年代，點心花款更加係多樣化，無論熱盤、小吃，甚至凍糕甜品都有得揀。到了星期日，更會有「星期美點」，據說當時的酒家見粵菜興旺，便乘勢推出星期美點，賣一些平日沒有供應的點心美食，以凸顯星期日歎茶的與別不同，其中釀雞翼用上糯米、菜、肉、雲腿等做餡；甜品代表則有甜腸粉。

蒸腸粉、炒腸粉吃得多，甜腸粉又是哪一回事？原來當時的甜品多為啫喱之類，大廚們為了加多點新意，便嘗試用黃糖做腸粉，最終做出咖啡色的腸粉。後來，更演變出如印尼凍糕的綠、紅腸粉，然而搶眼的色調卻不為人所接受，最後還只用回黃糖。而到了80年代，甜腸粉開始買少見少，原因是當時的人覺得這款腸粉太甜，並漸漸消失於食壇。

今時今日，若想重溫舊味，可到尖沙咀的海景軒，大廚梁輝雄師傅謂，甜腸粉要夠甜才夠特色，他用上一種平常用來製臘肉的糖膠，煮至近黑色再加黃糖混合，令其變成深啡色，而成品的味道和造型都跟鹹味腸粉有很大分別。下次去幫襯的話，不妨柯打一客來試試。