《LittleBigPlanet Karting》砌車大追蹤
有貯物癖好的Game迷，多鍾意玩收集道具的消閒遊戲，《LittleBigPlanet》就係經典代表作，玩儲素材再自製關卡上傳去挑戰其他人。SCEH最近就將此作發揚光大，變身成搞鬼賽車遊戲《LittleBigPlanet Karting》，既可儲素材幫主角Sackboy改頭換面兼砌車仔，又可以自訂賽道放上網共享，仲支援最新PS Move方向盤作體感扭軚。好玩成咁，睇怕又要成日同屋企人爭電視了！
賽車救世界
前兩集《LittleBigPlanet》大玩橫向捲軸動作解謎，今次移師到賽車世界，有點似《Mario Kart》，同是在速度比併之餘，動用不同道具和設置陷阱來攻擊對手。本作部分關卡更有特定任務考玩家腦筋，而趣怪的頭目戰亦有得玩。至於故事內容係講述布偶公仔Sackboy打倒邪惡機器怪後，一群叫做「Hoard」的「搜刮魔」從遙遠的地方開着Kart仔殺到，想要偷走「工藝世界」裏所有珍貴的東西。於是Sackboy用紙皮、鐵罐等製作小型賽車，以最快速度追捕一眾Hoard，搶回工藝世界的珍寶。
PS Move體感扭軚
遊戲主模式預設30條過癮賽道，包括被海水包圍的「Turtle Island」、夜晚鬥車的「Night Rider」等，若然玩厭以上賽道，不妨透過完成賽事所得的道具來為Sackboy改頭換面或自創專屬賽車，甚至設計場景，控制重力大小，擺放機關陷阱，及炮製高難度賽道。而今次初回特典所附贈的「搶先包」，便收錄多達900種設計素材，節省儲道具時間。此外，遊戲也支援Cross-Goods功能，玩家在之前作品所購買的服裝，皆可免費在本作使用，而官方將於稍後時間公布「繼承」方法。
同期亦有專用配件「PS Move方向盤」推出，只要將PS Move套上操縱盤即可對應體感駕駛，傾斜可扭軚，兩邊把手又可當油門。而這方向盤可支援《Gran Turismo 5》、《MotorStorm Apocalypse》等賽車遊戲，夠晒抵玩！
INFO
類型：賽車
開發：SCEH
平台：PS3（支援PS Move）
人數：1至4人（可連線）
推出日期：今天
售價：$388
查詢：2341 2356
遊戲以中文字幕交代劇情，就算不懂英、日語也可樂在其中。
介面及系統跟前兩集《LittleBig Planet》大同小異，容易上手。
部分關卡不是鬥快衝線，如圖中的就是限時擊倒對手鬥高分。
遊戲備有自訂賽道功能，可以上傳至專屬群組供其他人切磋一番。
$299（不連PS Move）
初回特典所附送的「搶先包」，收錄多達900種設計素材及原創車輛服飾。
