每日一揭好生活

國教後吵得熱熱鬧鬧的大事，還是跟保育有關的龍尾人造沙灘方案，捨割大部分香港農地的東北新發展區計劃，和最近捲土重來的南生圍地產項目。現在若在坊間見到有心人設計的綠色用品，特別感動。長春社跟設計師林麗珊、劉紹增和吳覺怡聯手製作的「綠活日誌2013」（Carelender），不單復刻了中式掛牆撕頁式日曆的傳統，每日「宜」、「忌」變成了綠活貼士，2013年版本更加入小店、社企折扣優惠，鼓勵用家以行動撐小商舖！最窩心是每頁插畫圖案都是以手工剪紙方法逐個製作，再造紙、大豆油墨印刷，11月4日前訂只需$128，個人覺得是年度Best Buy 之一，還要買多個送給陸恭蕙，香港現在是「先發展後（不）保育」，別睜大眼說謊了！

Alvin Lee Reporter

被銅臭埋沒的童真

遊後藏，即使去到山旮旯的景區，都會見有藏民擺檔，而且通常都有十來歲的小朋友看檔。他們擺賣的東西不外乎是經幡、羊奶芝士及藏族色彩的飾物，對遊客來說，貨品毫不吸引，好難買得落手；因此都係拍烏蠅嘅居多。見佢哋生意麻麻，咁得閒冇嘢做，就搵其中一個影吓相啦！點知對方一句：「你不買東西，不能拍！」當堂畀佢嚇窒，難以想像這種說話會從一個年紀小小的孩子口中說出。OK，Fine！咁請你食餅，得唔得先？殊不知呢頭話得，點知轉過頭就從你手中搶過餅乾─但只係用嚟遮面，係都唔畀你影。唉！只好怪自己太一廂情願。

Konnie Reporter

末日救生波

以上兩個波，實在太「神」。它不是洗衣機，亦不是《龍珠》太空船，竟是世界末日絕世天劫來臨時用來保命的圓球救生艙。它有幾巴閉？雖不會射激光，也不會飛，但它即使從8樓跌落水，也可絲毫無損，而且永不沉沒，其外殼甚至能抵受9噸撞擊力，簡言之它就是「人造金鐘罩」任撞唔散……不過佢唔散，唔等如艙內人不會肝膽俱裂內出血，能保證的，只是你至少有個又圓又硬的棺材。

Dick Lau Reporter

如果加咗椰子味

「如果加咗椰子味，朱古力味無碇企？」大家咁諗就錯晒啦！因為有次去關島，去當地24小時營業嘅K-mart Shopping，見到M&M's推出了一款關島限定嘅椰子味朱古力，而且一包只係US$0.99（約HK$7.7），口痕買嚟試吓都算抵食。不過勢估唔到關島日本遊客幾乎多過本地人之餘，連美國佬嘅品牌都要學日本人玩地區限定呢！

Boris Reporter