雲上旅程：廣告萬聖節化

香港近日一些電視廣告，非常吸引人注意，我並非說「好」呀！

先說一個電訊品牌廣告，當中不斷重複兒子問父親，該如何把資料從舊手機轉去新手機。整個廣告充滿黑暗、死亡感覺，尤其是父親想着兒子的畫面，恐怖感非常重。起初不明白，為何會有這樣的設定？後來在戲院看了同一廣告，才知道原來另有一個完整版！完整版是父親到敵對公司搞點將舊資料過新機事宜，卻被自己公司視為叛徒而射殺！父親死前邊緣回望兒子在不斷叫「爸爸！」其實好有創意。

至於另一個電器公司廣告，是拍着一位男士在家中，不斷在後面出現一位疑似太太，不斷在講：「乜太個吸塵機無聲o架！」「邊個嘅雪櫃好多機關o架！」「乜水個電飯煲可以整蛋糕o架！」個男人完全無理過佢，好似聽唔到般。明白了！個女人係鬼嚟o架，可以係男人死去的太太，想表示給他知道，重陽時燒啲新款紙紮電器給自己！真係好猛呀！而且一覺醒來，睡在男人旁的不是那女人，而是個小女孩！個女人仲唔係鬼？還可能是小女孩被鬼上身或老婆死後投胎！

而某一間航空公司近日的新廣告亦充滿靈異味道，其中一幕是疑似空姐，幫一位睡着的小女孩蓋被，但我睇了好多次，橫睇掂睇都似死去的小女孩，被瞻仰遺容後再「蓋被」。其實飛機正運屍回家！空姐連屍體也照顧，好窩心呀！