雲上旅程：美容院縮影

美容院也是社會的縮影，管理層如商家、顧客是市民。美容院不斷地在各種場合宣傳自己的產品、自己的服務有多好；用「好」來形容也太有貶意了，要用「超級絕頂」來表達，才符合現代的商家口脗。

美容院保證自己的東西安全，品質可靠。某天，一位非凡的乾物女來到現場，就被店員游說：「試吓我哋公司呢隻新服務，叫『反芻DNA美白』！」「乜嚟o架？未聽過嘅？」店員說：「好正o架！先吞晒呢樽營養粉！之後你會作嘔！但係正常o架！」乾物女問：「咁就可以美白啦？」店員再說：「當然未得啦！要即刻食番晒啲嘔吐物，咁先得o架……依家做緊推廣，只要4萬9千9！收卡！」乾物女經理性分析後用卡結了帳。她吃後大吐一場，然後像狗般食回嘔吐物！店員大叫：「你睇你！成個人白晒呀！」（其實是青晒！）乾物女高興地笑了出來。

其實，現實世界還不是一樣？先別說商家叫人用完牙膏食冰夠荒謬，也不要提吃了才愛媽媽的奶粉，其他產品，由於商家是霸權，政府也不敢管他們；明明這些產品或食品很爛，但只要顧客被洗腦，便會重複又重複地購買同一種東西，無論多貴都好。

試想想，早前出事的美容院，竟然還可以繼續營業，不是很不可思議嗎？但十幾年來，間間大公司的產品出事後，有邊間會被停業的呢？依家見啲自由行狂掃港貨，但明明當中好多係大陸造，根本一切也是個騙局！