金屬積木玩不壞

砌模型、砌積木，不一定係小朋友嘅專利，近年愈來愈多啱Kidult玩嘅模型積木，好似在尖沙咀「商務」見到的金屬積木品牌「Taken Fun」，由台灣設計及製造，零件包括不會生銹、又不易損壞嘅鋁合金，以及專利設計螺絲。零件雖然簡單，但玩法就一啲都唔嘢小，事關除咗組成不同形狀、人物、物件，如機械人、坦克車、動物等外，還可激發無限創作能力，砌成一件又型又潮、獨一無二嘅金屬擺設。

上網睇佢嘅「臉書」，仲發現呢個金屬積木嘅出現，原來係一位父親對孩子所許的愛的承諾：「爸爸會為你們做一種玩不壞的玩具！」你會唔會畀個Like佢呢？

WL Reporter

木鈕戒指夠瀛味

小店在香港買少見少，油麻地嘅文化屋雜貨店原來靜悄悄要關門了！小記一收到消息就立刻衝去店子，門窗已大大隻字噴上告別字眼。店內人頭湧湧，原來全線大小古怪精品7折清貨，小記即時雙眼發光，機關槍掃射式搶貨。對小物毫無抵抗力的我最後當然大出血，其中最喜歡這隻可愛戒指，由幾粒木鈕拼湊而成，其中以企鵝仔最為特別，日本風十足！

Karen K Reporter

王敏德的香味

鍾情男人香水（或古龍水），有日行過ACCA KAPPA，被空氣中的獨特香氣吸引，店員熱情招待，讓我嗅了該店的女人香水系列，發現難得連平日覺得太女人的薰衣草味都覺得別具韻味，便移「肉」步到男士系列逐香。店員發現我對男性香水的鍾愛，就轉而介紹這隻中性古龍水，說是「王敏德」的味道，我一聞之下欲罷不能，加上Box Set裝贈送洗頭水和Lotion，盛惠$580，就這樣，我又要戒一個月咖啡填補債項。店員姐姐仲送了支白麝香香水Sample，唉，我有點擔心下個月都……

Ivy Reporter

女人錢最易賺

外觀簡約實用的物件，相信已很難吸引一眾貪求美觀包裝的女士們垂青，就連日本品牌Maruai的Memo Pad都化身成香水、唇膏、粉盒等，堆砌起來猶如一個迷你梳妝枱般，十分Fancy。一向不化妝的我，都忍不住心癢癢想擁有一Set，所以幾時都話女人錢係最易賺！

Lum Reporter

二次合成的藝術

相信好多人用智能手機影完相，都會搵些App幫張相加工，加入許多得意抵死的圖案。最近有機會接觸到賽馬會鯉魚門創意館一位年輕藝術家李楚洳（Samantha），醉心攝影及油畫的她發明了一種名為「Painting on Photo」的新式藝術，個人覺得這種二次合成的效果比用App幫相片加工過癮得多，好像是長頸族人和長頸鹿在高樓大廈下相遇；吶喊的獅子在名畫《吶喊》的橋上對望，別具玩味。11月2日至5日她將會有數十幅作品在中環大會堂展出，公眾免費入場，有興趣不妨走一轉。

David L Reporter