Non-Stop!多啦A夢熱

最近全城焦點都落在尖沙咀嗰100隻多啦A夢身上，雖然展覽已經完咗，但小記依然回味採訪當日嘅有趣情景，尤其係對限量紀念品，念念不忘，但奈何時間匆忙，未能將它們即時入手。幸好PR小姐早已給小記預留一份，同事們都爭住戴上「100」眼鏡影相Upload上網！若果大家錯過展覽又悔恨未有買入紀念品，不用失望，因為:Chocoolate會推出新一輪聯乘系列，有Box Set同Tote Bag等商品，多啦A夢熱，相信仲會Hit多陣！

Keith Reporter

COS Bike by BIKEID「無料放送」

做記者一年到晚總有好多Event去，尤其每逢春夏、秋冬開季之時，總有一百幾十個Event排住隊等去/要去/想去/無去。如日前COS便於店內舉行半開放式派對，慶祝與倫敦足球雜誌《The Green Soccer Journal》的聯名合作，同場更展示最新秋冬新作，但更吸睛的是場中擺放着一部由斯德哥爾摩單車店BIKEID製作的「無菌Fixed Gear」，作為店舖抽獎禮物之用，任何人只要於店內填上個人資料即可參加，毋須購物滿十萬九千七或集齊七七四十九個印花就有機會「無料」踩返屋企！

Pasu Reporter

超筍鑽戒

季尾各大名店清貨已經去到尾聲，小記總計收穫，最愛唔係鞋唔係衫，而係經常都用得着的配飾—戒指！話說Carat日前低至兩折大清貨，小記第一日放工就立即去奉獻。雖然用嘅只係人造鋯石，但無論閃爍度、切割和設計款式水準之高，都可以媲美鑽石，行外人難分真假，去飲宴充撐場面冇有怕！小記試勻晒佢哋所有顏色的Stack Ring，最終放棄了Elegant的香檳金玫瑰金，轉而買了兩隻神秘型格的黑鑽色戒指，連埋送畀阿媽的黃金色和白色，四隻都只係$450！（原價要$2,600！）筍到暈又易襯！依家日日戒不離手呀！

Moe Reporter

NIKE Training Club（NTC）體能鍛煉

我堅持︰「日日運動，身體好。」這一年，參與了好幾次NIKE Training Club（NTC），每回經過45分鐘的體能鍛煉，雖然做到腳仔軟，但在教練的指導下， 好玩之餘，又可以Keep Fit，達到其口號 「Get motivated. Maximize your results. Whatever your fitness goals, NTC takes it further.」

玩轉LAB CONCEPT

早期同潮流組組員出席金鐘廊LAB CONCEPT開幕派對，場內人頭湧湧，每個角落盡是驚喜。一眾潮人排隊等試食爆谷、人手製棉花糖，又到骷髏頭紋身貼專區大玩一餐，仲有多個化妝專櫃開放免費試新妝。我亦趁這個機會，不怕羞地走到Nars化妝品專櫃，揀選了最喜歡的鮮紅色唇膏，在專業化妝師的筆下，不需兩分鐘，紅唇即現。大會的攝影專員更四出為VIP及傳媒朋友拍攝「即影即有」照片，難得當天一棚人出動，來一張留個紀念吧！

Candy Reporter