緊緻度肉眼見得到

記得以前讀書時,有錢的同學仔鍾意Show Off自己用SK-II的美白護膚品,話貴嘢的確係唔同啲。事隔多年,身為美容記者的我終於可以盡情試用SK-II產品。今次不得不推介的產品,是繼神仙水後,最推崇備至的Stempower Rich Cream肌源緊緻特潤精華面霜,一千蚊唔使有50g。質地似雪糕又柔滑又細緻,但一定要配合拉提動作先有緊緻的功效,所以我先搽一邊臉作比較;一邊搽一邊向上推,直至面霜被完全吸收後,再對比一下,發現搽咗面霜嗰邊面,輪廓的確較緊緻,肉眼都睇得出,聽落好神奇,但真係自己試過先咁講咋。

Kiki‧Reporter

我是唇膏癡

唇妝今季持續大熱,對我而言絕對是喜訊!事關我又可以大手買入不同色系的唇膏,而近期令我為之瘋狂的就是Paul & Joe的唇膏系列,顏色多達30種外,還分成三種質地,最愛Full Pigment的厚實感。另一個驚喜就係能為唇膏換新衫,品牌的一大特色,就是滿滿的貓咪圖案,令人完全無法抗拒!公關小姐還教路,若有收藏開品牌的舊唇膏,亦可以用新包裝循環再用,Perfect!

Yilam‧Reporter

神秘活動

香港癌症基金會(Hong Kong Cancer Fund)為迎接第11屆「粉紅革命」關注乳癌活動,將於9月18日舉行一連串神秘活動,屆時將有驚喜畀大家!打頭陣的神秘活動於12:30pm在海港城舉行,之後會移師至尖沙咀碼頭五支旗杆,最後再到銅鑼灣鬧巿,旨在提醒公眾「及早發現,生機再現」這重要訊息;同時誠邀各界加入「粉紅革命」,透過捐款支持基金會為乳癌患者繼續提供全面及適切的支援服務。

資料:營業資訊

網址:www.cancer-fund.org

抵玩多用途Pouch

自從Celine的Bi-colour Pouch大受潮人追捧後,好多潮人都愛以Pouch當作Clutch Bag用,只因幾千蚊貨仔抵玩又實用,而不少品牌都順勢推出這類小袋。例如Joyce早排就邀請咗8位設計師Crossover推出特別版Pouch系列。之前路經Balenciaga新店,發現呢兩個粗拉鏈Pouch,大嗰個約A4 Size夠晒實用,再睇埋個價錢,只係四千幾蚊,細嗰款亦只係三千尾嘅開心驚喜價,抵!抵!抵!

Sanna‧Reporter

紋身The First try!

其實一直都想紋身,但無奈家人強烈反對所以沒有實行。近日出席LAB CONCEPT的Opening Party就畀小記過足癮!因為品牌邀請了美國刺青藝術大師Ami James從紐約遠道而來,除了可以在展覽區細味偶像的作品外,更可貼上由他設計的紋身貼紙體驗刺青!有了這個貼紙的「加持」,走在街上,當堂覺得自己型咗10倍,縱然只可以過一晚癮,但已經心滿意足!

Alex‧Reporter

SK-II Stempower Rich Cream

Paul & Joe的唇膏系列

抵玩多用途Pouch

紋身The First try!