眼睛閃閃皮膚滑滑

說到經典出名的睫毛膏，Helena Rubinstein必然榜上有名，皆因它的刷頭設計容易Handle又易上色，實在令人愛不釋手。而品牌為慶祝110年，更推出Lash Queen Celebration，這個是我另一誠意推介，三百零蚊一支，但結合純金粉末和珍珠貝母，塗上後睫毛帶有隱約的閃爍光芒，與一般的睫毛液大不同，單是這個突破，已能凸顯出今次珍藏版有幾矜貴！至於品牌的Prodigy兩款新品同樣令我喜出望外！Powercell基底精華露（$1,400/50ml）主力更生修護肌膚，其質感極之幼滑兼易吸收，用了兩星期肌膚明顯變得明亮柔嫩，難得是感覺不黏。之後再搽Tissular抗衰老組織修護精華素，去提升肌膚及收緊輪廓，雖然肉眼未能即時見到效果，價錢又貴咗啲（$2,160/40ml），但勝在臉頰兩旁的輪廓感覺微微收緊，相信持之以恒，理想臉形終有一日達到。

Kiki Reporter

玫瑰玫瑰我愛妳

小記離開居住了廿載的港島區，正式成為半個九龍人，點解係半個？因為仲有大把雜物同傢俬未搬晒，結果經常要兩頭走，都咪話唔辛苦。所以我每日最Enjoy就係洗白白嘅時間，這個購自Joyce Beauty的英國品牌REN的王牌摩洛哥玫瑰沐浴露，是特別用上黎明時分的玫瑰花瓣配合蒸餾方式萃取煉製，滴滴珍貴，加上幽幽的玫瑰香氣，減壓一流！

Yilam Reporter

我也是個收藏家

相信大家都會有收藏物品的習慣，實不相瞞，其實小記亦是一個收藏家，心頭好是香水，對設計獨特的香水瓶更是情有獨鍾！還記得前陣子到Lancome的發布會，踏入會場已經飄來陣陣甜甜的香氣，看到時更在心中暗暗興奮：「哇！支香水識笑o架！」因為香水瓶用上了The Crystal Smile概念設計，所以看上去瓶身就像一個可愛的微笑。所以小記已經準備就緒，9月發售時一定要將它納為收藏品之一！

Alex Reporter

UU童裝煲呔衫至愛

話咁快Uniqlo × Undercover第二季系列上星期已經開賣，吸收上次掃貨經驗，發現通常之後會不時返貨兼有不少貨剩，所以今次唔再花時間一早去排隊。新貨中最鍾意唔係女裝反而是童裝，尤其係呢件玩Trompe l'oeil煲呔圖案茄士咩混紡冷衫更係頭號心水。可惜去到舖頭呢件藍色150碼已經賣晒，只好買住件黃白色款頂住先，希望遲啲藍色返貨時再去換番。

Sanna Reporter