女神任摸

早前台北旅行期間，有日急急忙忙衝進藝術館的女廁，赫然見到洗手盆旁有個希臘女神像。原來它是由旅英韓國藝術家申美璟MeekyoungShin所造，名為「藝起洗手Toilet Project Taipei」計劃，把肥皂神像放置於公共場所經歷大眾的洗滌，再放回藝術空間作展示。想不到不但時裝品牌活動有型男任摸任影，台灣女廁也有女神像任人摸，有興趣的朋友仔，可留意今年10月初在「台北當代藝術館」的申美璟個展，一睹神像飽歷風霜後的面貌。

網址：www.mocataipei.org.tw/blog/post/28189018

Popopo Reporter

大帝威到盡

就算我唔係「大帝」粉絲，都要寫個服字畀佢，幫「夢10」贏奧運金牌之餘，喺2011至12年度嘅NBA球季，連奪常規賽及總決賽MVP，加埋恨咗好耐嘅冠軍指環，吐盡轉會時嘅冤屈氣。Nike就趁勢推出LeBron 9 Championship Pack，收納咗白色嘅LB9 MVP，以及紅黑色嘅LB9 PS Elite；雖然LB9都出過好多版本，不過呢套Boxset都算最有意義，試問有邊個球星可以擔保，一口氣贏晒兩個MVP加冠軍指環？老土都要講句：有今生、冇來世！

抽籤發售

由於全港限售6套，為公平起見，即日至明日晚上8時期間，鞋迷可到灣仔莊士敦道嘅Nike Basketball預先登記，該店將於明日晚上8時15分開始抽籤，每人限買1套，售完即止，祝君好運啦！

查詢：2520 0771

Dick Editon

永遠的少女時代

「每個人在Shine面前也是個少女。」Shine在一片熱血下開展了「第二春」，初段一曲《祖與占》、搭個膊頭，彷彿回到10年前，自己也回到少女時代。只唱3場，選址九展，場面未算盛大，賣的是「恃熱血青春多幾個鐘」，成長歌曲逐一放送，食正今天人心思變的想法；加上感人的個人分享，絕對Enjoy！

Karen K Reporter

隨時換畫

打工仔要儲錢買樓絕非易事，如果還想找個窗外有「靚View」的單位，更是難上加難。不想屋企連罅景都冇，惟有另覓他法，那天經過賣Home，見到由法國入口的特色鏡面貼，張貼容易，只要先用濕布將窗戶的玻璃抹乾淨，便能撕出圖案貼紙直接貼上，輕輕掃平便可，令圖案化身成家居的窗外靚景。最正的是撕下來也不會在玻璃面上留下痕迹，只需約$200，想幾時「換畫」都得。

David L Reporter

搞鬼青蛙

好明顯係職業病，一見到動物家品就兩眼發光。得意的動物造型很多，不過我最鍾意能巧妙利用動物本身特色設計的類型。好似大象伸長鼻子的膠紙座，同埋這個於Village Vanguard發現的青蛙碎紙器，捉住小青蛙的手攪幾攪，紙碎往肚子裏吞，放在辦公桌上定增添不少生氣。

Ivy Reporter