on.cc 東方互動主頁

日本蟹專門店食法全壘打

日本出名多靚蟹，然而價錢一點不便宜，直送到香港的，更加貴上加貴？咁又未必！最近在銅鑼灣有家新開的蟹料理專門店，以抵食價大賣從日本引入鮮活皇帝蟹、松葉蟹和毛蟹，加上來自瀨戶內海的渡り蟹（Watarigani），用來煮粥、熬湯、做沙律……一網打盡東瀛靚蟹鮮味。

新店「蟹家」的老闆是日本人，從事食品批發，因此有門路從北海道引入皇帝蟹、松葉蟹和毛蟹。據說蟹家所屬的集團，原已經營不同類型的日本餐廳，今次首次開設蟹饌及鐵板燒專門店，特別請日本設計公司負責裝潢，門口招牌以日本漁民捕魚的黑白照片作裝飾，主題鮮明又別具味道；內裏則以深淺不一的木色，以及充滿原始風味的石牆來營造出溫暖感覺。

蟹和食套餐唔使$400

餐廳主打蟹饌，特別請來有30多年經驗的大廚Mitsubori Koji坐鎮，曾任職不少名人、政要都光顧的日本著名會席料理店福田家。今次他為蟹家設計的餐牌，集傳統、創新於一身，無論小食、沙律、料理、飯類，皆見蟹蹤影，選擇逾30款，叫蟹迷心大心細。必食的有不用4百蚊的蟹和食套餐，共6道蟹菜，包括前菜、刺身、燒烤和鍋物等，其中蟹鍋用上皇帝蟹腳，其餘菜式則以松葉蟹肉炮製，一個套餐就能吃到兩款蟹的不同滋味。此外，想盡情一點，推薦大家柯打原隻蟹，餐廳經理謂，以皇帝蟹為例，時價每隻為$3,500至$4,000，足夠4人享用，價錢已包括烹調費，而且食法自主度高，例如蟹腳可作刺身、蟹身可做鍋物或鐵板燒，其餘部分則用來煮粥，全方位品嘗蟹的鮮甜和不同質感。

吃盡日本名蟹

食蟹最緊要夠新鮮，蟹家除星期日外，每日從北海道運來皇帝蟹、松葉蟹和毛蟹，更自設水缸飼養着，由於去貨快，所以能Keep住貨源新鮮。其中皇帝蟹即鱈場蟹，體形巨大，肉質飽滿肥厚，鮮甜而多汁，有濃濃蟹味，堪稱蟹中第一，所以有皇帝蟹之稱；至於松葉蟹，肉質帶淡淡甜味，而且極為綿密緊實，咬落肉汁在口腔爆發；毛蟹則肉質飽滿鮮嫩，味道不會太濃及霸道。除了這3大名蟹外，店方又從日本的瀨戶內海引入渡り蟹，其Size細小，有點像我們常吃的花蟹，味道鮮甜多膏，卻沒太多肉，所以只會用來煮湯和做蟹粥，值得一試。