吹氣玩具熱潮不死，吹氣城堡、滑梯、波波池等大型吹氣設施，大家細個都玩過，不過講到吹氣牌匾，仲要係白事專用的，我真係咁大個女第一次見！有次去四川出Trip，在某古鎮遇見此奇景，便二話不說影低同大家分享。強國人「創意」十足已不是新鮮事，不過估唔到連千年文化祭先人都玩埋，心胸之廣闊，確實令小妹五體投地！不過，我諗極都唔明，點解做白事都要用吹氣設施？唔通諗住環保啲，可以循環再用？