車廂夏日進補製冷除臭打孖上

酷熱天氣警告下，大家唔只喺家中開多咗冷氣，相信揸車更加唔少得，如果部車遇到冷氣唔夠凍嘅問題，都咪話唔激氣！車廂冷氣唔夠凍，可能係散熱器唔Work，又或者塵格積塵太多，嚴重嘅當然要搵車房幫手，否則都可試試坊間嘅急救用品，價錢唔算貴，而且用途多元化，足以對應好幾種冷氣問題；即使未有問題發生，亦不妨未雨綢繆！

冷氣篇

冷氣雪種精 $135

舊車比較容易漏雪種，呢款產品就幫到手，用咗有助冷氣系統運作回復暢順。

冷氣添加劑 $85

最適合怕熱嘅車主，將添加劑注入冷氣系統，就可加強製冷效能，車廂當堂Cool晒。

冷氣系統潤滑劑 $85

冷氣系統經常使用，老化都係好正常嘅事，想襟用啲？注入呢款潤滑劑，就可保持冷氣系統運作暢順。

清洗冷氣套裝 $128

若果呢期冷氣系統經常失靈，大可先試試DIY清洗一番，呢款套裝就一盒過有齊洗冷氣嘅基本法寶。

冷氣塵格 $280起

呢款多功能塵格唔只可以隔絕塵粒及花粉，而且更換過程好簡單，專為車主DIY而設。

辟味篇

多功能除臭機 $1,800

可以直駁車廂、採用12V電，有效辟味之餘，亦可去除由花粉、煙味及汗味所引致嘅霉菌。

空氣清新機 $320

直接插入點煙器，使用方便，特點係放出負離子，令車廂空氣回復清新。

光消臭辟味裝置 $80

透過光觸媒原理去除煙味、汗味，甚至寵物嘅異味，而且有效期長達12個月。

太陽能風扇 $148

假如唔想長開冷氣咁嘥油又唔環保，大可考慮呢款德國製造嘅車用太陽能風扇，停車熄匙都有涼風送爽。

小型光清臭 $178

插入點煙器，就可辟除各種異味，亦可長時間使用，更可作多角度調校。

查詢：2392 4244（台日汽車）