一「櫈」成名

點解有啲櫈可以賣上萬元，有啲賣幾十蚊都嫌佢貴呢？就係因為出自名師之手，兼冠上Designer Chair銜頭囉！所以，不少設計師為求出名，等作品可以一「櫈」成名，身價十倍，於是致力為張櫈賦予其他用途，等你「Wow　」一聲之後乖乖磅水！

走佬派

設計師好鬼體貼，知道香港人乜都排一餐，企得攰就可以坐，所以將張櫈設計到一摺一碌就走得，非常方便。

玩樂派

櫈都可變玩具？係！好似呢張加個網就可以射龍門，另一張搖搖櫈仲厲害，反轉就變車仔，最啱屋企細路仔！

賣樣派

櫈不一定係四隻腳加一個椅背，好似呢兩張咁，左邊一張彈性十足，右邊嗰張又似條蕉，夠晒破格。

實用派

香港地屋企細，有人要喺廁所上面架床，真係慘！所以呢啲既坐得又擺得嘢嘅櫈，就大有市場！你睇隻狗幾開心？係差在冇拎住部手機上網咋！

Silvia Reporter

殺死你的吉蒂

曾在阿美利堅Short Stay，見到最多的卡通人物，並不是本地薑，而是Hello Kitty，簡直係文化侵略！更犀利係各地死忠粉絲竟然收集不少吉蒂武器，組成粉紅兵團，讓冇口嘅貓女可以征服地球，將世界變成Hello Kitty Land！

Adrian Reporter

「平」價樓！

依家樓價急升，旺區尤其天價，但係你又點估到旺角某大廈外牆，竟大大隻字話自己「平」呢！行近睇真啲，哦！原來個「平」字係由冷氣機槽及外牆嘅支架砌成，遠睇仲以為佢好意思話樓價平呀！

地點：旺角

Champy.C Reporter

擺Pose瞓街男

年輕人最緊要大膽嘗新，好似相中三位年輕人，不但唔介意隨街擺Pose，而且每個人嘅姿勢、表情都夠Chok。以相中吊喺半空、靠雙手扶着鐵柱嘅鬍鬚男為例，佢痛苦嘅表情只不過係掩飾，其實佢成個人瞓喺條街度，兩隻手輕握鐵柱而已。仲唔明？將份報紙向左轉90°，你就知點解喇！

Angela Chun Reporter

早熟

內地女子溫柔體貼，弄得一眾男士神魂顛倒，原來乃從小訓練的成果！上海巿某幼稚園Logo，看似平常健康，誰知仔細一看，嘩！不得了！光天化日下竟安排幼童在同一屋簷下明目張膽地……真係「未學行先學走」喎！

地點：上海

Doris Reporter