玩Game鬥吹《瑞士伊美揚帆運動會》

這款由瑞士伊美聯同「星之子」陳易希合作推出的App，名為《瑞士伊美揚帆運動會》。玩家可自由挑選不同國家的代表隊出賽，甚至即時化身成「港人驕傲」李麗珊，揚帆參與。

有獎遊戲大放送

此App玩法十分簡單，玩家只需先輕吹手機底部來啟動風帆，再左右搖晃控制風帆的方向以避開障礙物，成功的話便可晉級，甚至勇奪金牌。如於7月9日至8月31日推廣期內，奪取最多金牌的玩家，可獲California Fitness送出六個月免費健身會籍，價值$6,000，而50名優異獎玩家也可獲馬拉松$100現金券。遊戲過程中亦會送出3,000份California Fitness免費一星期貴賓通行證，真係抵玩！

系統：iOS

下載費用：免費

觸控增見識《Flipboard》

Flipboard有幾勁？睇佢長期高踞Apps下載榜就知來頭不小。呢個App基本上不用點設定，揀啱自己興趣就「嚟料」，自動在網上搵晒同你興趣相關嘅Link畀你慢慢歎，足不出戶就已經能知天下事，而且仲要係免費呢！

點、掃都得

而操作方法亦極其簡單，只需要掃上掃下或點擊就得，除睇新聞之外，亦可以對你各個社交網站戶口進行整合，而封面故事就會自動將你最感興趣嘅項目置頂，所以有咗Flipboard，大家就以Skip晒啲無聊資訊，至啱相信時間就係金錢的朋友。

系統：iOS、Android

下載費用：免費

製造驚險《Action Movie FX》

同朋友拍咗段普通影片擺上網，點知零點擊，真冇癮！好彩有朋友介紹呢隻《Action Movie FX》，佢可以為條片加添唔少刺激元素，例如大爆炸、撞車等場面，片段當堂唔同晒，咁點擊率仲唔節節上升？

系統：iOS

下載費用：免費

玩具塔防《Toy Defense》

相信唔少人見過甚至玩過綠色塑膠士兵仔，而今次塔防遊戲就係利用呢種玩具士兵來保衞自己領土。遊戲中當然有唔同嘅炮台畀玩家選擇，不過唔好全部整晒做陸戰炮台，因為空襲先最令人頭痛，防空炮台一定要有呀！

系統：iOS

下載費用：免費

炸石消時間《鑽石飛爆 Diamond Blast》

寶石方塊之類嘅遊戲其實隨便一搵就有一大批，咁點解要介紹呢隻《鑽石飛爆 Diamond Blast》呢？因為佢除咗畫面夠靚之外，仲加入炸彈、閃電同時間三大元素方塊，只要好好把握，就可以快人一步取高分！

系統：Android

下載費用：免費

免費大富翁《大富豪富翁街》

大富翁遊戲真係歷久不衰，無論幾時都咁多人玩，而今次介紹呢款《大富豪富翁街》就加入買樓、買股等新元素，為玩家帶來了新意，而且畫面有點日系Game的風格，還有各種別具特色的道具，真係百玩不厭！

系統：Android

下載費用：免費