賽龍舟秘密武器Reebok Realflex

每年一度的端午龍舟競賽將於本周六舉行，各路健兒自然要加緊操練，以為扒龍舟單純鬥臂力？就大錯特錯，筆者早前觀摩了聖約翰救傷隊（St.John Ambulance Brigade）龍舟隊的練習，才知道體能以至雙腿的鍛煉都尤其重要，除了下水落艇，還要在陸上加操，標榜靈活與保護性兼備的Reebok Realflex，便成為他們練氣、練腳力的親密拍檔。

近年長跑界興起赤足練習，藉此強化雙腿筋肌，雖然方向正確，但非人人都習慣得來，尤其是香港這個石屎森林，在堅硬的磚頭路或柏油路上赤足跑，未見其利先傷自己，故此各大運動品牌亦紛紛設計出分割式外底、讓腳掌可以自然屈曲的新款跑鞋，Realflex系列就是其中之一。

陸上加操練腳力

Realflex既是一款緩跑鞋，亦可進行多項伸展運動，用途甚廣，故此成為聖約翰救傷隊龍舟隊的陸上練習裝備，隊中的四位成員—阿正、Kalvin、細細和Rachel已穿上Realflex練習了一段時間，他們對新拍檔有何評價呢？

The Sun： 點解你哋會加入龍舟隊呢？

阿正：呢項運動少人玩、比較特別，而且形象好熱血，所以吸引到我。

細細：我覺得扒龍舟同救傷隊嘅活動好類近，大家都係講求Team Work，練步操又好、First Aid都好，都要人人齊心先做得好，所以Join埋St.John嘅龍舟隊囉。

The Sun： 你哋除咗要落艇練習，平時仲使唔使加操呢？

細細：要o架，扒龍舟唔只講求臂力，其實係全身運動，仲講求平衡力、腰力、體能，甚至腳力，因為划槳時要用腳撐住座位前面塊木板先發到力，所以平日就算唔使落水，我哋都會練跑，用嚟練氣、練腳力。

The Sun： 咁講法，你哋都着咗Realflex練跑一段日子，覺得呢款新鞋點呢？

阿正： 除咗練跑，我仲會着住佢做Gym，呢款鞋好輕，可以更容易做到好多唔同動作。

Kalvin： 扒龍舟之餘，我都會練手球，呢款鞋嘅平底設計都Fit得到，而且夠輕，跑起上嚟都快啲。

細細： 我平時會着住佢跑步練氣，對扒龍舟好有幫助，呢款鞋設計得好貼地，落地時感覺都會好啲，而且腳弓位置有充足嘅承托力，保護性好高，比其他運動鞋亦更加透氣。

Rachel： 我同細細一樣，都會着住佢練跑，呢款鞋唔只輕，仲好貼腳同埋靈活，因為我平時好易傷，呢啲優點就幫到我冇咁易傷。

五大分支各有所長

標榜外底可以大幅度屈曲的Realflex，還可細分為Flight、Optimal 3.0、Speed和Transition 2.0等多個分支，彼此之間在鞋面用料和外底細節都有所不同，從而在透氣度和保護性上滿足不同用家要求，除此之外，Realflex還有賣相時尚化的Aztec Flex Racer，滿足好動又貪靚的潮人口味。

St. John組隊龍咁威

聖約翰救傷隊擁有多支體育隊伍，據該隊的副總監潘新標先生表示，龍舟隊便早於2004年成立，潘Sir說：「龍舟講求Team Work，正好令隊員增加凝聚力。」聖約翰救傷隊龍舟隊採用男、女混雙編制，成立以來奪得不少獎項，包括2006年的香港仔社團中龍邀請賽冠軍和2011年的赤柱混合組金碗賽亞軍，龍舟隊隊長羅文敬先生表示，出戰本周六的端午比賽前，他們已在今年六月九日的昂船洲中龍銀杯賽贏取季軍，並將會參加七月的赤柱短途賽。

Q版同步上架

除了照顧大人需要，Realflex亦備有幼童版本，以Realflex Optimal 3.0為設計藍本，尺寸方面就大幅縮小，最適合一家大小襯成一套。

查詢：（a）2781 2786（b）2506 3139（c）2273 4301（d）2736 7010