Sensation XE/XLICS升級更爽快

HTC前排推出新機ONE X大受歡迎，除咗四核機能夠強，預載最新嘅Android 4.0系統亦係亮點之一。不過一眾HTC舊機機主都唔使失望，因為廠商早前就宣布為Sensation XE、Sensation XL以及Velocity 4G提供Android 4.0（ICS）升級，升級後有新功能之外，用落仲比舊版本順暢咗添！

Kill Task更容易

今次小記就拎Sensation XE作為升級測試，雖然升級至Android 4.0，不過因為繼續沿用自家HTC Sense，所以整體觀感分別不大，亦保留機前輕觸式功能鍵，不難適應。功能方面，狀態欄以及長按Home鍵的工作管理介面都加入橫掃清除的新操作，玩多工處理、Kill Task更加就手，另外亦同時加入數據使用量程式，方便監察Data用量。值得一提是，解鎖介面新增快捷圖示，只需將相關圖示拉入解鎖環就可以立即解鎖以及開啟程式，相當好用！想升級的朋友，只要依次序進入「設定」、「關於手機」，再點選「軟體更新」內的「立即檢查」，就可以下載並安裝更新，不過留意更新前，一定要先連接Wi-Fi呀

查詢：3520 1234