低智能人臉辨識

相機玩人臉辨識，係近年嘅事，呢個咁嘅功能，其實一早已經由筆者個娘親發明咗，仲獨家植入咗筆者個腦度，搞到我成日喺街都見到一啲平常人見唔到嘅面孔……呢個功能對人腦要求極低，幾少RAM都冇所謂，不過前提係，閣下要有番咁上下無聊，兼唔好成日掛住Facebook、打機、溫仔溫女就得o架喇！各位係咪覺得睬我都嘥氣呢？

地點：香港

Tony Editor

Choro-Q現實版

鍾意玩具嘅讀者，都相信有聽過、見過甚至玩緊Choro-Q呢款Q版車仔；而鳥山明筆下嘅《龍珠》同《IQ博士》入面嘅交通工具，亦有濃烈嘅Choro-Q影子。呢啲Q版嘢係咪只存在於幻想世界呢？非也，你睇吓上面！

Tony Editor

如果你知我苦衷

男子漢一到咗生死存亡之秋，係會毅然放棄一切，拋頭顱，灑熱血的！好似台灣高雄呢位大學生，得悉「天降異火，暗黑破壞神降臨」，遂決定拋開世俗枷鎖，請假向妖魔挑戰！其實香港都有此等熱血青年，希望各位明白佢哋嘅苦衷。

Alfred Reporter

破壞之傻

最近小記打《Diablo III》打到女都唔想陪，晚晚打通宵不問世事，好彩女友絲毫沒有怨言，簡直為港女大平反。相反出名溫柔賢淑嘅台妹就唔係人咁品，竟然將我台灣「巴打」隻光碟屈到如斯模樣，仲話自己先係真正暗黑破壞神！但阿女，《Diablo III》唔使用光碟都玩到o架， 你屈飽佢啦，破壞神！

Gilbert Reporter

變種「他媽」

曾經風靡萬千少男少女嘅「他媽哥池」，最近竟然有新「搞作」！當大家對呢隻好似雞嘅外星怪物已經玩到厭嘅時候，有人就決定來個釜底抽薪，畀你養番隻「人形蜈蚣」！養出嚟得唔得意就見仁見智，不過一次過養三隻嘢都只係需要掃一次屎，起碼冇咁煩先啦！

Vincent Reporter