蠔食蟹宴天堂

一向喜歡吃生蠔，最鍾意幫襯蠔吧，款式夠多，可惜逐隻同你計，吃得不夠痛快，還是自助餐最划算，像金域假日酒店Bistro on the Mile新推出的「『蠔』情『蟹』逅」自助餐，於星期四及一分別以生蠔和蟹做主題，除供應多款即叫即開各地生蠔，還有多道特色蠔菜，大過蠔癮。

生蠔可謂自助餐桌上的明星，人人來到首先瞄準生蠔，吃夠一打才開始進攻其他食物，可見其重要性，可惜愈來愈少自助餐願意供應生蠔，也許因為成本，也許擔心衞生問題，所以今次Bistro on the Mile可謂落足本，逢星期四以生蠔為自助餐主題，供應一系列生蠔，選擇比人家多，有法國Fine de Claire、澳洲Smoky Bay及Coffin Bay，全都即叫即開，夠新鮮，趁法國生蠔水尾大可食個夠本！另外還有多款生蠔菜式，有傳統的亦有新派的，如潮式煎蠔餅、蠔仔粥、菠菜芝士焗蠔、海鮮生蠔沙律、炸蠔壽司、生蠔杯等，中西兼備，蠔癡定必滿足。

周一擦蟹夜

而逢星期一，餐廳則改以蟹為題，同樣供應一系列蟹菜，當中尤以泰式炒蟹、香蒜辣味焗蟹蓋最回本，其次如蟹腳伴日式柚子汁、蟹肉柚子沙律也很合炎夏時吃，另外尚有蟹肉釀雞翼等特色菜。除了主題美食，自助餐當然也不少得中、西、日、印等多國食物，而且席間設有多個即製Counter，即做天婦羅、印度烤餅，熱辣新鮮。最後還有多款甜品和Haagen-Dazs雪糕，吃得再飽都要記得留肚啊！

日期：即日起至另行通知

時間：6:00pm-9:15pm

價錢：成人$488、長者$398、小童$348（星期一及四）

查詢：2315 1118

*另加一服務費