Nakamichi NBS6靚聲高球

如你愛打高爾夫球，又喜歡聽歌的話，Nakamichi新推出的2.1藍芽音響NBS6就肯定啱心水。它的一對小巧前置喇叭，外形似足高爾夫球，白色圓形音箱，加上表面的凹凸紋，驟眼睇幾可亂真，加上橢圓形的超低音喇叭，同時支援藍芽接收功能，能將智能手機上的音樂傳送至音響上播放，連駁線麻煩都可省下，配合10W×2 +25（RMS）輸出功率，擺睡房或客廳聽歌都一流。

揀選音響除音色表現外，外形設計亦要考慮。這款NBS6就明顯針對潮人而設計，採用流線感強的圓形喇叭，加入高球元素及純白機身，強調簡約型格感。雖然喇叭細細隻，但內置音色通透的40mm中高音單元，所以音色厚實得來亦不失細節。

藍芽傳音免駁線

為免除駁線麻煩，新一代的音響組合都支援無線傳音技術，NBS6也不例外，可透過藍芽接收音訊，在iPhone上儲存了大量心水歌曲，一回到家開動了藍芽，就能直接將音訊傳送至音響上播放，輕鬆免駁夠簡單，同時亦設有兩組3.5mm輸入插口，接駁其他MP3機或音響都無問題，極之靈活性；同時針對一般立體聲音響低音不夠厚實的缺點，NBS6就增添超低音喇叭，支援25W（RMS）輸出功率，就算演繹節奏強勁的搖滾樂都同樣流暢自然，而採用高球設計的前置喇叭，內置了40mm中高音單元，雖然體積輕巧，但高中音覆蓋全面，人聲甜美清晰，值得一讚。

試音

試播王若琳專輯《Start From Here》，音色清晰自然，高中音覆蓋全面，人聲甜美通透，低音厚實有力反應亦相當靈敏。

同場加映：Philips DCD3020兼容強低音勁

NBS6音色靚接駁易，擺房聽歌確是一流，但不支援處理視訊，如聽歌聽悶，想轉轉口味煲碟睇戲的話，可考慮Philips新推出的DVD音響組合DCD3020，它兼播iPhone、iPod、iPad、CD，亦可透過USB直讀MP3、WMA等音樂檔案，還兼播VCD、DVD等視頻系光碟，煲碟睇戲無難度。此外又支援wOOx低音發射裝置，能表現出深沉而富動感的低音，配合數碼音效控制（Digital Sound Control）技術，設有爵士樂、搖滾樂、流行及古典多款播放模式，可因應音色類型而優化其頻率範圍，令臨場感更真實，音色清晰自然。

查詢：（a）3403 2864、（b）2619 9663