防塵塞搞鬼激凸

好多人都各出奇謀為部手機整色整水，最普遍會買個靚機殼或機套，有心思啲就會將成部機包膠，簡單啲都有細細片嘅Home鍵貼。嫌部手機未夠搶？近期新出的防塵塞就一定係你嘅Best Buy；皆因市面新品大玩特色造型，好似BB公仔Sonny Angel、寶石、卡通人物，就連用毛冷、絨布織成嘅都有，大大個插落個耳機窿，係人都留意到你啦！

Sonny Angel 萬能Key

以可愛見稱的Sonny Angel不嬲造型多多，今次推出的防塵塞更大玩不同動物造型，有兔仔、青蛙、公雞、熊貓、樹熊、老虎、大象、猴子、狗仔、花豹、鱷魚及獅子共12款；而且每個公仔仲會附送獨立底座，做埋座枱擺設都仲得！ 各$48（a）

維尼三眼仔 迪士尼上身

Disney的卡通人物大人細路都鍾意；而新出的Disney防塵塞系列就有小熊維尼、史迪仔、三眼仔三大卡通主角，最特別係連史迪仔入面嘅配角小金（Scrump）都有，Disney迷實要捧場！ 各$29（a）

絨面可愛 小蘑菇

以不同顏色的絨布拼貼而成，有Cupcake、杯子、蘑菇等款式，的骰又過癮！ 各$88 （b）

Bling Bling閃爆 立體寶石

名貴嘅寶石未必個個買得起，想滿足吓自己嘅虛榮心，原來防塵塞都有這效果。呢款防塵塞用上寶石設計，雖然係塑膠物料，不過效果立體又Bling Bling，逼真兼搶眼。 各$48（a）

毛冷製作 大花花

全以毛冷製作，其中太陽花、士多啤梨造型就係用粗冷織成，而紫羅蘭造型則用上幼冷織成，手工細緻。 各$118 （b）

查詢：（a）2417 0002（b）2374 0618