《宇宙カェル兄弟》跳上外太空

話說有三隻跳跳紮嘅青蛙兄弟，從小嚮往火星嘅生活，跟住就一齊出發展開宇宙之旅……故事背景聽落好兒童向，玩家嘅任務就係要帶領呢三隻青蛙達成目標，方法好簡單，就係靠青蛙最原始嘅技能─跳，仲隨時可以跳到外太空添！

跳彈避障礙

遊戲每一個Stage都會出現木頭、柱子等不同障礙物，玩家就係要控制呢三隻疊起嘅大、中、細青蛙跳過重重障礙；一旦撞到障礙物就會立即減速，因而有機會唔夠衝力跳上下一個Stage，搞到跌死。

要避開高高低低嘅障礙物，就要識得善用二段跳同小跳兩種跳法。而到Stage 5之後，地上仲會不時出現荊棘，如果唔小心掂到，其中一隻青蛙就會即時被拮死，三隻青蛙都死晒就Game Over，絕對唔易玩！

支援平台：iOS 5.0或以上

下載費用：免費

喺電影入面，周不時見到主角探險時發現稀世寶物，跟住畀成班敵人、侍衞追到甩褲。遊戲《Temple Run》就係喺類似嘅背景下進行，玩家要控制主角喪奔，後面有成班黑衣人狂追，真係跑到你氣都咳！

雖然主角跑得超快，但係要甩開後面嘅黑衣人都唔係易事，因為主角身處於一個迷宮內，除咗九曲十三彎，仲要有圍牆同峭壁，要避開就要靠手指Drag，左右Drag就控制方向，而上下掃就可以控制跳躍以及滑行，十足十特技人一樣！

遊戲仲會不時出現Coins，跑到甩褲的同時，記住要收集埋Coins；皆因玩家可以用嚟買技能，好似Coin Magnet、Boost等等，咁就可以跑得更快更爽，過關都容易啲啦！

支援平台：Android、iOS

下載費用：免費

雖然貼紙相熱潮大不如前，不過喺相片度整色整水加公仔都仲有唔少女仔鍾意玩。《FACE-LOOK2》功能十足貼紙相機，可以畀你加公仔、圖案、符號等等，效果超繽紛，得意又過癮！

支援平台：iOS 4.0 下載費用：免費

新Apps內置數十種懷舊相片特效，包括Analog、Retro等等；而且每次都有6款特效的實時Preview，唔影出嚟都預先知道效果，夠晒方便！

支援平台：iOS 4.1 下載費用：US$1.99

《Instagram》呢個相片社交App一直都喺iPhone獨家提供，日前終於移植到各大Android手機，等Android用家可隨時同朋友Share靚相！最重要係日前Facebook宣布成功收購《Instagram》，將來肯定會發圍，快啲單撈啦喂！

支援平台：Android 下載費用：免費

《Football Manager》系列遊戲一直有唔少Die Hard粉絲，繼iOS之後，最近仲將Handheld版帶入Android，等各位Android用家可以隨時過吓領隊癮，買賣球員兼排陣，一眾虛擬領隊揀好教邊隊未？

支援平台：Android 下載費用：￡6.99

遊戲故事背景都幾搞笑，仲以四格漫畫交代來龍去脈。