童遊老大街

媽媽教訓小朋友，開口埋口講「阿媽細個嗰陣點點點……」上一代年少時是何種景況？淨係用口講又點會明？現在終於有機會讓子女親身感受爸媽輩的集體回憶，皆因海洋公園推出重現香港50、60年代風貌的新景點「香港老大街」，置身其中，大人能回味舊事，小朋友又驚喜連連，Let's go！

位處纜車入口旁、佔地約40,000平方呎的新主題區「香港老大街」，未踏入已先聽到《甜蜜蜜》等懷舊歌曲，經過街口的大紅花牌之後，彷彿跳進時光隧道，回到上世紀50至70年代的老香港。大街分為5個主題，分別是集70多種地道經典美食的大牌檔、布置成懷舊店舖的遊戲攤位、富有殖民地色彩的老爺電車，以及中環天星碼頭鐘樓場景等，還有裝飾成原始老店風貌的復古手信專門店，一次滿足狂食、狂玩、觀光、購物、兼感受文化5個願望！

搶拍影相位

老大街兩旁一排排的戰前唐樓下方，有補鞋店、蔬果小販、代寫家書等小攤檔，一邊叫賣一邊拍照，像真度更高！

Brian在舊式擦鞋攤檔化身鞋匠，用力捽得立立令！

嘩！拐子佬呀！好在「警察」及時趕到，「搭走」口花花的「飛仔」。

人力車伕扮相麻甩，其實他們好善良，更樂意跟遊人合照。

品嘗經典美食

經過大紅牌坊後，就正式進入老大街，小巷內售賣超過70款地道經典小食如麥芽糖餅、叮叮糖等。

路邊布滿送米單車、汽水箱、海味乾貨等，千禧兒童Brian很好奇。

行到攰，還可以坐在路邊小食攤稍作休息呢！

感受殖民地面貌

50年代型號的電車，車廂內有懷舊藤椅和電車獨有的樟木地板，是全港獨一無二的人手製造老爺電車。

聽到「叮噹」鐘聲，就進入充滿殖民地色彩的大街，這裏有老爺車和中環天星碼頭鐘樓等場景。

玩盡懷舊遊戲

將懷舊理髮店、藤器店、雜貨店、米舖、黑膠唱片店等老舖，改裝成懷舊擲階磚、波子機、射擊等「荔園Feel」攤位遊戲，好好玩o架！

獎品充滿懷舊風情，如麻包大米、陳皮梅、郵筒公仔等。

海洋公園 入場費：成人$280、小童$140

查詢：3923 2323