開心掘蛋 盡情玩

復活節假期離不開逛街影相、買朱古力復活蛋給小朋友。既然小朋友精力過人，不妨趁幾天難得的假期，搞搞新意思，跟子女跑到沙灘，或者游走商場，參加各式掘蛋、掟蛋活動，歡度公眾假期！

愉景灣大白灣沙灘將於一連兩天舉行「愉景灣沙灘獵蛋奇兵」活動，讓3,200位小朋友掘出預先埋藏的30,000隻復活蛋，場面必定壯觀！當日小朋友只要集齊金、銀、藍、紫、紅、綠或橙色的復活蛋，就可以贏取特別大獎。除了掘蛋之外，在旁的愉景廣場的繽「FUN」天地及愉景北商場的復活節愉景北開心王國，亦會提供各款應節遊戲，讓一家人玩個痛快！

掟蛋鬥創意

除了掘復活蛋，大家仲可以試吓「掟蛋」！將軍澳中心將舉行「國際家庭掟蛋大賽」，邀請來自世界各地的參賽精英家庭，一起宣揚共融精神，並發揮創意，設計掟蛋器及服裝，比賽以服裝創意及雞蛋着地的完整性評分。今年主辦單位更鼓勵參賽家庭錄製拉票短片，即使未必能夠親身參與比賽，都可以觀賞各種估佢唔到的掟蛋表演，一起笑餐飽！

得意蛋遊戲

原來復活蛋遊戲都有好多玩法，好似今次的掘蛋遊戲，其實源自傳統的「搵蛋」（Egg Hunt）遊戲，玩法是把不同大細的復活蛋藏身屋內及屋外，讓小朋友在限定時間內四出尋找。此外，還有鬥滾得遠的「滾蛋」、鬥撞唔爛的「撞蛋」及在滿布復活蛋的地上跳「蛋舞」等跟復活節有關的遊戲o架！

第6屆「愉景灣沙灘獵蛋奇兵」

日期及時間：4月6日及7日 12:00nn-5:00pm

地點：大白灣沙灘

查詢：8212 3373

第八屆香港共融國際家庭掟蛋大賽

比賽日期及時間：4月6日 1:00pm-3:00pm

地點：將軍澳中心

查詢：3417 4328