Reporter's choice：麻辣好送飯

向來嗜辣，愛其刺激又醒胃，最近就食麻婆豆腐食上癮，試過尖沙咀雲陽閣川菜館的麻婆豆腐後，更是念念不忘！入口先是一陣香酥辣味，精神及食欲即時為之一振，香滑豆腐加上炒香了的牛肉末，惹味得很；而吞嚥過後，舌頭還帶點麻麻的感覺，很過癮。因為開胃的關係，個人認為食麻婆豆腐一定要送白飯，吃起來，香、酥、麻、辣更顯出米飯的香。

排隊食腸粉

對於我們這些「長期糧尾」的人來說，可以用10蚊食一個午餐，真係好吸引。所以每到月尾或者「使大咗」的時候，我總會去幫襯四眼仔。說的是位於粉嶺聯和墟的四眼仔腸粉，舖仔細細只做外賣，只有腸粉、燒賣、魚蛋、牛肉、燒賣和豬皮，不過每日的客人如走馬燈，無論甚麼時間都要排隊。腸粉夠熱又滑，只賣$1/條，魚蛋$3/7粒、燒賣$3/4粒，花$10已經食到飽。最鍾意是落醬的伙記夠大方，皆因腸粉夠「混醬」才好味。

未達標鮑汁雞翼

滷水雞翼自細食到大，一隻靚的滷水雞翼，最緊要色香味俱全。憑我多年來食滷水雞翼的經驗，色水討好已經成功了一大半。雞翼上碟時，滷水色澤要均勻，深得來又要帶光澤，脹卜卜，入口時要有種「皮光肉滑」的感覺。想換吓口味，某日到太興茶餐廳食下午茶，點了一客鮑汁雞中翼撈公仔麵，評語是鮑汁味未見突出，同時略嫌雞肉不夠滑，有改善空間。