7" Android 4.0水位低過$1,000

早前才為大家作過Android 3.2平板的合輯介紹，想不到就在這麼短的時間內，市場已經變成大家非Android 4.0（代號：Ice Cream Sandwich/雪糕三文治）機種不買的地步！而現時市場反應最快的，竟是一眾7吋山寨機，雪糕三文治平板愈出愈有，款式推陳出新，而且部分更$1,000唔使就可入手。今次就將抵玩型號一網打盡，介紹畀大家！

直插3G Cube U11GT

全功能制霸

Cube一向主力推出高質素Tablet，之前U9GT2好賣到幾乎斷市，因此今次呢部U11GT令人十分期待，不過此機卻主打低價市場，售價超平，卻內置Android 4.0，而且由於用上暫時支援最完美嘅RK2918處理器，所以內置官方市場同支援Flash Player，成為一大賣點；另外又支援Mini HDMI輸出同正規USB OTG介面，就算無內置3G功能都可以直接插3G手指隨街上網，功能之齊，可以話係山寨機之冠。

設計有誠意

雖然Cube U11GT走低檔路線，兼且機身略厚，不過全身銀色充滿Cyber味，而且機身所有接口都有防塵蓋設計，平時唔會見到機身幾個窿窿之餘又唔怕入塵，山寨機中佢都算有誠意；本身亦具有512MB RAM同8GB儲存容量，平價機而言，已算合格。

試片區

播放內置的少女時代MV，雖然屏幕顏色略淡，不過銳利度十足，畫面也流暢。

精簡新殼 Ainol Novo 7 Advance 2

更薄更平

喺呢部機出街之前，其實小記已經問過代理，究竟佢同上一代有何大分別，答案竟然係無咗後置鏡頭，驟聽似乎少咗個賣點，但係當試機之後，這疑慮即刻一掃而空；雖然真係無後置鏡頭，不過相對地機身比第一代更薄，而且定價更比上代平！所以話，刪減了後置鏡頭也無可厚非！

A10處理器夠強

Ainol Novo 7 Advance 2採用的處理器仍然是單核規格，不過已是山寨機之中最高效能的款式，甚至對比於市面上的雙核款，如Qualcomm MSM8X60、NVIDIA Tegra 2仍不會太過遜色，加上這顆Allwinner A10在影片硬體解碼能力方面尤為卓越，最高支援高達2,160p質素的影片，甚至支援3D視效輸出，所以在如此價格下，確實係有莫大的吸引力。

購買山寨機小貼士

現時山寨機同大牌子出品定價上有一段距離，究竟何解山寨機可以取價咁平？原來大部分山寨機都不會用一般大牌子Tablet所用嘅貴價處理器，暫時市場上山寨Tablet常用嘅處理器有君正JZ4770、RK2918同Allwinner三大類，而最先支援Android 4.0嘅君正JZ4770屬於MIPS架構，雖然比較慳電，不過效能略遜，而且支援上不及另外兩款ARM架構處理器好。而RK2918同Allwinner則是支援較好及效能較高的處理器，如果想在市場上選購山寨Tablet，真係要認清至好。

處理器強 Teclast P76TI

同樣都係用Allwinner A10處理器，不過P76TI就比較平，所以外殼亦無咁多花巧嘢，外形玩具感甚重，但因為其處理器效能同功能都十分強橫，所以以呢個價嚟講仍然買得過，而且有512MB RAM同8GB儲存容量，對於只注重實用的用家來說，都可以考慮。

SPEC

操作系統：Android 4.0.1

處理器：Allwinner A10 1.5GHz + Mail-400

記憶體：512MB DDR3 RAM

屏幕：7吋五點觸控電容屏幕（800×480）

儲存容量：8GB Nand Flash、支援達32GB microSDHC

無線支援：802.11n

尺寸：190.2×113.1×13mm

黑白配色 原道 N12

原道在場中算是比較新的品牌，近來一口氣推出咗多款平板，而7吋嘅N12就係其中一款，而原道平板最特別地方係用嘅處理器通常都係Cortex A8 RK2918，呢粒U最大特點係因為佢推出時間比較長，所以對於各方面支援都較好，不過效能方面，就不要太過期待喇！

SPEC

操作系統：Android 4.0.1

處理器：Cortex A8 RK2918 1GHz + GC800

記憶體：512MB DDR3 RAM

屏幕：7吋五點觸控電容屏幕（800×480）

儲存容量：8GB Nand Flash、支援達32GB microSDHC

無線支援：802.11n

尺寸：190×117×12.5mm

罕見韓款 Hyundai A7

Hyundai這部機規格雖然與其他山寨款差不多，但機體勝在設計上專為Android 4.0而設，機上除開關外並無其他實體鍵，加上流線形白色機身，對比其他款式更見出眾。

SPEC

操作系統：Android 4.0.1

處理器：Allwinner A10 1.5GHz + Mail-400

記憶體：512MB DDR3 RAM

屏幕：7吋多點觸控電容屏幕（800×480）

儲存容量：8GB Nand Flash、支援達32GB microSDHC

無線支援：802.11n

尺寸：193×118×13mm

性價比高 Ainol Novo7 Paladin

Ainol Novo7 Paladin又稱騎士版，早前號稱為最抵嘅Android 4.0機種，也是首批能預載Android 4.0的山寨機。最特別的是它採用MIPS架構，雖然在功能支援上有所不足，不過處理器的續航力更強，而且成本也低，所以成為場中最平Android 4.0機種。

SPEC

操作系統：Android 4.0.1

處理器：君正JZ4770 XBurst 1GHz + GC860 GPU

記憶體：512MB DDR2

屏幕： 7吋兩點觸控電容屏幕（800×480）

儲存容量：8GB Nand Flash、支援達32GB microSDHC

無線支援： 802.11n

尺寸：187×111×12mm

自家市場 Onda VI10

Onda VI10在規格上同其他幾款賣一千蚊左右的Android 4.0差不多，不過Onda就有非常好嘅官方支援，如預載自家昂達市場App，又會定時升級Firmware，都令人對它有較大的信心，所以雖然定價較高，但在腦場銷情不錯。

SPEC

操作系統：Android 4.0.1

處理器：Allwinner A10 1.5GHz + Mail-400

記憶體：512MB DDR3 RAM

屏幕： 7吋五點觸控電容屏幕（800×480）

儲存容量：8GB Nand Flash、支援達32GB microSDHC

無線支援：802.11n

尺寸：186×120×11.9mm