Reporter's Choice：鑊氣炒牛河

經常話，平凡、基本的東西最考廚師功夫，像乾炒牛河，試過有些炒得油淋淋，食完一口油，有些又乾爭爭，牛肉變埋「柴皮」，好難食。幸好，我找到灣仔新景園咖喱小廚，愛它的乾炒牛河夠鑊氣，上枱香噴噴，河粉炒得均勻入味，條條分明，質感滑溜油潤，卻又沒有多餘油分，好食！最愛加點辣油佐食，夠惹味。

清新荔枝味奶凍

如果在銅鑼灣開餐，我很多時都會去798Unit&Co，愛其地方闊落，氣氛輕鬆，食物亦有一定水準，沙律、牛扒、前菜、酒等都不俗，跟三五知己見面最好。但數到我最喜歡的食物，就是Lychee Panna Cotta。我對布甸、奶凍等食物向來偏愛，但要求多多：不能太甜、質感不可太硬，難得這個合心水之餘，還夾着清新的荔枝肉，果香奶香混和一起，唔覺膩滯，每次都要食過才心足。

浸溫泉的雞蛋

鍾意食蛋，煎炒蒸燉都好，不過去食日本菜就不能錯過溫泉蛋！像銅鑼灣一門，就有好味出品。雞蛋浸完「溫泉」，蛋白滑溜溜，蛋黃半溏心，一咬還會流出來，跟那個甜甜的汁醬混合，更好味。另外，這店的厚燒玉子亦很出色，層層疊的蛋餅，像個蛋糕，外層香，內裏嫩滑無比，還有蛋汁流出來，可選原味、芝士餡、蟹肉餡等，好多花款。