O!Care IP CamiPhone（目及）實百厭星
唔少屋企都會買番隻IP Cam嚟看門口，可惜大部分型號都要開着電腦及相關程式先可以睇到畫面，超唔方便！Ozaki最近就推出名為O!Care的IP Cam，機仔細細、外形的骰固然是賣點，最特別是此「眼仔」是專為iOS而設，只要配合相關App，就可以喺iPad、iPod或者iPhone睇實屋企情況，隨時都可以（目及）住屋企個百厭星！
設定簡單 180。全景
一般IP Cam既要設定IP，隨時仲要設定Server，步驟都幾繁複。O!Care就唔同，用家只要將佢連接Router，而iOS器材則連接至相同的Wi-Fi網絡後，就可以於專用App《iCare》進行簡單認證設定，過程簡單。透過App介面，除了可以控制鏡頭作上下左右180。移動外，更可以拍攝相片及錄低影片，加上備有日曆排序，方便記錄及整理。值得一提是，O!Care雖然鏡頭細細，不過畫面清晰兼且可以錄音；實測3G網絡下連接，畫面唔窒之餘，Delay時間都只不過是一秒左右，表現出色。查詢：3188 0767
只要插入LAN線再連接Router即可，連接簡單。
支援記憶卡，可以隨時將影片、相片儲存。
前方備有多盞LED燈，方便留意眼仔狀態。
隨機附送螺絲及底座，可作掛牆之用。
《iCare》免費下載，操作簡單又易明。
喺App畫面Drag及Multi-Touch就可以控制鏡頭的拍攝方向以及焦距。
O!Care鏡頭支援180。左右移動，配合適當擺位，咁就唔驚死位拍唔到啦！此外更備有黑白兩色，可以襯番簡約家居。各$3,380
