遇上瞓着覺的爆膏蟹

乘做食版記者之便，見過嘗過無數珍貴美食：魚子醬白松露黑松露拖羅鵝肝鮑參翅肚，每次遇上，眼界、胃口都大開。偏偏有款心頭好，幾年下來不知怎麼搞的，在公在私都總跟牠擦肩而過無緣品嘗。

我想食的是─瞓覺蟹，牠沒有珊瑚蟹、松葉蟹的手長腳長，外形扁身橢圓形，顏色啡啡像麵包，所以別號叫麵包蟹；而據說這蟹生長於水深約100米以下，由於水溫低，經常在水底動也不動，就算被活捉都沒反應，又被稱作瞓覺蟹。

這種蟹在法國產量最多，一年四季都有得食，每年約9月至翌年3月最當造，蟹隻平均重700克，也有重量達幾公斤的，好驚人，肉厚但質粗，勝在啖啖肉，有蟹鮮味；另一賣點是爆膏，蟹膏軟滑香口且Creamy，有人形容像食軟雪糕般，其美味可想而知。

炮製瞓覺蟹的方法有中有西，但海鮮嘛，貴乎新鮮，嘗鮮味重於調味，因此食牠的最好方法是凍食，蒸熟後雪凍蘸點蘋果醋，鮮味突出。平日在餐廳，有單點的，也有跟蜆、蝦、螺、海膽等拼成海鮮盤，作為焦點的牠，一打開蟹蓋便知厲害，蟹膏豐腴飽滿，入口甘香軟滑，肉質結實鮮味，睇見都想食。

也有聽過人用瞓覺蟹煮湯做沙律焗飯，新穎點的有做梳乎厘、雪糕，但不知味道如何，原來連中廚都對牠有興趣，薑葱炒花雕蒸，要再特別的話，就用仁稔醬來蒸，仁稔醬酸酸甜甜，正好平衡蟹膏的膩滯感，算是中西合璧了。關於這隻蟹，道聽途說了多時，但我們始終未曾「遇見」。

終於，多得「蟹后」朋友，來讓我有個「蟹」逅，這朋友是個蟹精，愛蟹程度誇張又瘋狂，幾乎食盡天下的蟹，心想這下好了，終於有個伴去品嘗。到專賣海鮮的店子開餐，未入口先興奮，來個最基本的凍食版，雖沒預期的大爆膏，卻已算是不錯，蟹肉一梳梳的，爽口鮮甜，沒蘸醬汁一樣好食，總算償了個心願。

Food Quotes

"Food without wine is a corpse; wine without food is a ghost; united and well matched they are as body and soul, living partners."

-Andre Simon