Nakamichi SoundStation 1駁iPad睇相播片

新一代的音響組合大都支援接駁iPhone播歌,但想駁iPad播片睇相就不多見。Nakamichi新推出的2.1 DVD影音組合SoundStation 1就支援接駁iPad和iPhone,除了播歌外,更可將短片及相片經HDMI傳送至電視播放,可以一家大細安坐梳化睇片睇相。同時針對一般影音組合低音不夠厚實震撼的缺點,更設有輸出強勁的超低音喇叭,低音澎湃得來又夠靈敏。

隨着愈來愈多人習慣用電腦聽歌睇片,影音組合市場無疑受到衝擊,但用電腦睇片,頂多27吋芒,加上電腦喇叭音色亦粗糙欠層次,始終睇得辛苦。於是Nakamichi SoundStation 1就在兼容性及聲畫功能上下工夫,支援接駁iPad、iPhone來播片、睇相和聽歌,更備有USB插口支援直讀MP3等音樂檔案,同時設有2.1喇叭,高音通透低音厚實,聽歌睇戲都一流。

兼容性強 環繞聲全面

不少人習慣將影片及自拍的生活點滴記錄在iPad和iPhone內,閒時與朋友分享;但用幾吋芒仔睇,長時間看實在費神。故此SoundStation 1就可接駁iPad和iPhone,除了可充電及播歌外,更可將短片及相片經HDMI傳送至電視播放,安坐梳化睇片和睇相,舒舒服服。同時備有USB插口支援直讀MP3等音樂檔案,接駁USB手指或外置硬碟就能即時播歌,兼容性一流。不單如此,亦可透過碟盤播放DVD,加上支援Dolby Digital音效,令煲碟睇戲時的環繞聲包圍感更全面。

低音厚實 高音通透

市面上一般影音組合為了節省空間,大都放棄超低音喇叭而採用2.0設計,雖然較為的骰,但睇戲聽歌時低音無力,嚴重影響高低音層次感。SoundStation 1就打破此框框,採用2.1喇叭設計,備有一對高中音骰仔喇叭及一隻57mm大口徑超低音喇叭;前者支援40Hz~20kHz頻率響應、25W×2輸出功率,高音人聲通透圓潤聽歌一流;而附設的超低音喇叭則提供50W輸出功率,低音演繹強而有力,震撼之餘亦反應靈敏,睇《變形金剛》這類充滿爆炸場面的科幻動作片就最適合不過。

同場推介:纖薄簡約Sound Space 20

如平時愛聽歌多於煲碟睇戲,客廳地方又不大,放不下較佔地方的2.1組合的話,這款纖薄簡約的音響Sound Space 20就最適合不過,機身纖薄,厚度只有100mm,加上支援掛牆,超慳地方,支援兼播CD,以及MP3、WMA規格燒錄的CD-R,同時設有Jazz、Classic、Rock、Pop、Fvlat等音效模式,用家能因應不同音樂類型而選擇,從而強調音色細節,此外支援25×2輸出功率,就算開到大大聲聽歌,音色都同樣流暢自然不覺拆。

Angus

立體聲骰仔喇叭輕巧的骰,體積只有97×86×85mm、重380g,但支援40Hz~20kHz頻率響應,高低音覆蓋全面,聽歌人聲圓潤自然。 $3,990/套

除了MP3、WMA等音樂檔案外,更可透過USB接駁直讀MPEG、DivX、AVI、VOB、DAT、JPEG等視頻檔案,兼容性一流。

插槽前方設有指觸式操縱掣,輕按一下就能控制開關、播放、選曲及音量。

機頂設有插槽,支援接駁iPad、iPhone、iPod,除了播歌外,亦可將短片及相片經HDMI傳送至電視播放。

機背設有HDMI、色差及Composite插口,選擇全面。

支援Dolby Digital音效,就算只是2.1聲道,但煲碟睇戲時的包圍感卻相當全面。

試播DVD版《穿Prada的惡魔》,畫質清晰細膩,主角膚色自然,衣服暗位亦見層次,不會黑埋一舊舊;音響包圍感全面,對白聲清晰,背景音效定位精準,不會蓋過對白聲。

纖薄簡約Sound Space 20 $1,990

設有USB插口支援直讀MP3、WMA等音樂檔案。