on.cc 東方互動主頁

210種任揀化身多職達人

戰士、法師、牧師這三個職業就是MMORPG界大名鼎鼎的「戰法牧鐵三角」，係就係幾好打，但係來來去去都係這些職業，玩得耐都會嫌千篇一律。近排就有個新網遊《萌物語Online》，最大亮點就是職業夠晒多，竟超過210種！就算冷門到爆的抄寫師、調酒師都有，很值得一試！

提供冷門職業

傳統網遊職業最多係十幾個左右，但本Game提供的職業就多到嚇親人，有超過210種之多。除了劍士、巫師等傳統職業外，野人、醉漢、腐肉拾荒者、救生員、美髮師、街舞師都有，真係要幾冷門有幾冷門。而玩家只需提升某項技能的熟練度到30級，就能成為該技能相應的職業，換句話說，如果你反覆提升多個技能的熟練度，就能同時擁有多個職業稱號，化身成多職達人。

增熟練唔使升呢

除了多到爆的職業外，另一反傳統設定就係唔使升呢。唔升呢又點決定角色有多強？原來係靠「技能熟練度」。每個角色都擁有「戰鬥」、「熟練」、「基本」、「生產」四項技能類別，玩家只要不斷攻擊就能提升戰鬥技能，生產技能則要靠反覆採集和製造來提升熟練度。所有技能的起始上限為70，但可以用「賢者之石」等特殊物品破格提升到100。此外，本作還有由NPC建立的七大職業屬性工會，玩家可一邊接工會任務一邊升熟練度。

細緻背景人設

本作故事背景和人物設定相當細緻，遊戲內玩家會在現代、征戰時代、未來時代、渾沌時代和諾亞泰坦五個時代穿梭，每個時代各有特色，如渾沌時代就專門給你挑戰巨型Boss，未來時代就可以打魔王。另一過癮之處是玩家隨着時代穿梭、登入和登出等行動時，角色的頭髮長度、髒污數值會隨之增加。當頭髮長度數值累積到咁上下就會變長一級，倘若髒污數值累積過多後，角色周圍更會有群「蠅」亂舞。