臨海歎和食 景靚刺身肥

難得放假，當然要抖吓氣。鬧市的露天餐廳大多座無虛席，如何令人得享寧靜？我寧可遠一點到珀麗灣，沿沙灘挑一間開揚又有靚景的餐廳吃一頓豐富的。今次選來新開張的「千鳥亭日本料理」，吃串燒、爐端燒之餘，記得食埋每星期定時返貨的靚刺身。於眺望青馬橋靚景的露天座位，吃着生蠔、池魚、海膽及和牛，感覺大輕鬆。

珀麗灣的臨海廣場，開有多間露天餐廳，吃歐陸菜的、泰國菜的、中菜的，最近更多了一間位於2樓吃日本料理的「千鳥亭日本料理」。店子設計簡單不花巧，枱櫈擺放整齊又不逼狹，天花則掛着充滿日本風味的吊燈，環境舒適。

高人一等 景觀開揚

除了室內部分，跟廣場內的其他餐廳一樣，這裏亦有露天部分，高人一等，景觀亦明顯比樓下的店更廣闊，既可欣賞到水清沙幼的珀麗灣，還有遠處的青馬大橋伴食，迷人景色就在眼前，人都開胃啲。食物方面也不馬虎，翻開餐牌，有齊壽司、刺身、爐端燒、鍋物、串燒等選擇，而這裏的大廚梁師傅曾任職水車屋、友和等日本餐廳老字號，出身名店，梁師傅對挑選食材及處理新鮮刺身尤其有心得，特別找來世界各地的海鮮及靚肉做出優質的日本料理。

牛胸肉刺身 油脂甘潤

梁師傅謂刺身最講究新鮮、時令及衞生，因此餐廳選用的飛機貨，每星期至少返貨3至4次，加拿大海膽、北海道帆立貝、九州池魚、築地響螺、南非鮮鮑魚、澳洲生蠔、澳洲和牛等紛紛運到店內做刺身，其中最受食客歡迎的和牛刺身，用的是澳洲M3級牛胸肉部分。梁師傅表示，牛胸肉肉質紮實、雪花均勻，帶濃濃牛肉香，同時富油脂甘潤口感，做刺身，最能嘗出箇中滋味。刺身以外，梁師傅也在餐牌中加入了不少爐端燒及串燒菜式，其中鹽燒鰣魚及生燒的牛舌、雞翼等都值得一試。