雲上旅程：遇過的怪獸家長

晨早看到有位林先生在Call台留言，以為有傳媒朋友找我，於是馬上致電；一接通，我還未開始講話，對方已快速地說：「我想講阿×今朝唔太舒服，來不到上游泳班，希望請假……」我喝停他：「等等！先生，你找誰？」「我找××泳班！」「你打錯電話，留錯台……」我未講完，他就掛了線！冇講唔好意思、冇講對唔住，這就是現代怪獸家長的冇禮貌行為！但最好笑係，我有佢電話號碼o架！近年也遇過不少怪獸家長，內地來港的就算啦！當是文化差異。我朋友更見過自由行家長叫個仔在港鐵車廂內小便；我自己就親眼見過，自由行家長叫個仔在尖沙咀星光行商場入口處樓梯小便！我大罵他們15分鐘，但那家長的面皮卻厚到可以防彈！

自由行不說了，因要他們了解文明，可能還要一百年。先顧好香港家長吧！近10年，已記不起多少次在乘搭港鐵時，遇上跑來跑去、叫來叫去、撞來撞去的細路，他們撞到人也不理會，身邊的家長亦一點也不理會，當車廂是遊樂場！差不多每次都會喝停他們，表示這裏不是遊樂場！往往來到這時，那些家長才會講：「都叫你唔好玩，人哋鬧喇！」其實你哋冇叫佢哋唔好玩囉！又有一次參加旅行團，遇上一對父母和爺爺嫲嫲帶着一位約5、6歲小女孩，她野蠻到極，要行先玩先食先，我們同枱吃飯時，我正在轉轉盤，她一手轉開，四個大人卻理都唔理！