啖啖肉帶子爭鮮食

食Buffet，刺身、冷盤、生蠔、熱盤、甜品……各式美食紛陳，而講到最回本的，非肥美鮮甜的海鮮莫屬。最近，香港銅鑼灣皇冠假日酒店推出的「我愛海鮮」自助晚餐，以大大隻厚肉帶子作招徠，並由師傅即叫即製，夠晒鮮甜，加上每人免費奉送的大閘蟹一隻，小記第一時間爭「鮮」幫襯。

酒店內Kudos餐廳推出的自助晚餐，有齊生蠔、麵包蟹、波士頓龍蝦、青口、海螺、河蝦等，海鮮迷一定吃得過癮。嘗過冷盤後，一定要到A-La-Minute專區，一試即席炮製的帶子美食。餐廳的行政總廚共設計了6款帶子菜式，每星期會推出2款。另外，還有清新的帶子沙律、惹味的燒鮮帶子伴馬蹄及豆豉醬，以及用料矜貴的珍寶帶子伴魷魚配薯蓉忌廉及海膽泡沫等，選擇豐富。

滿Fun班戟DIY　

除了帶子做主角，一系列精美甜品亦能教你留一留肚，如雜莓奶油蛋白甜餅、意大利芝士蛋糕、自製麵包布丁等，每款外形的骰，食多幾款都唔會膩。另餐廳又設有「班戟DIY專區」，讓大家盡情發揮小宇宙，用糖漿、花生醬、朱古力醬、杧果醬、雜莓醬等自創屬於自己口味的班戟。最後，別忘了預留「胃」置吃大閘蟹，因為每位成年客人，都可獲贈大閘蟹一隻。

日期：即日起至11月30日

時間：6:30pm-9:00pm

價錢：成人$338、小童$198（星期一至四）

　　　成人$368、小童$228（星期五至日、公眾假期及其前夕）

查詢：3980 3000

*另加一服務費