狗食天堂

雖然市面上不乏兼備美容服務的狗Cafe，但一般Cafe頂多只能提供幾種食物，所以當小記見到狗Cafe吉之芬「給」（Just Fun Club）售賣的狗食物款式竟然多達40種，不止身旁狗狗流晒口水，連主人都覺得幾可亂真！場內更提供SPA、動物傳心術，以及大量狗仔精品、小食，簡直是驚喜連連！

過往也有到訪狗Cafe的經驗，但談到狗食物質素，實在參差，曾見過把各式狗糧撈埋一碟就叫小食，真是人狗皆無趣；所以，當小記來到位於新蒲崗新商場的吉之芬「給」，真箇大開眼界；Cafe以人手鮮製健康寵物食物作賣點，老闆娘兼「大廚」Angela眼見市面狗Cafe售賣的狗仔食物款式單調，狗糧亦唔夠健康，便想到要新鮮製作狗仔食物。她說：「這裏用的都是人會吃的天然素材，多為雞肉、牛肉、羊肉、番薯、麵粉等，並製作成常見的雞蛋仔、熱狗、螺絲粉、燒賣等。製作時不添加任何調味，主人也可以食用。」食材製作一點不馬虎，以雞肉便當為例，便用上8種新鮮蔬菜和水果，再混入番薯製成，成年狗狗一餐一件已經營養十足。Angela更設法改良食材外觀，如以肉絞爛做成香腸模樣、用南瓜醬扮芥末、乳酪做白汁，健康有益。

查詢：2620 1314