Reporter's Choice

滋潤杯裝紫米糕

天氣乾燥，喉嚨開始乾涸，聲音變得沙啞。相信很多人會跟我一樣，吃點糖水或甜點滋潤一下。最近，試過許留山新推出的紫米蘆薈糕，透明杯子分隔成3層，分別是最底層的芋頭糕、中間的紫米糕，以及最頂層、另用小杯盛載的紫米蘆薈粒。吃時淋在糕面拌勻，入口紫米煙韌富咬口；蘆薈粒則爽中帶清新香味，不過最愛還是現時當造的芋頭，切成細細粒的，香甜粉糯。食完感覺好滋潤啊！

抵食台式下午茶

做記者經常忙到冇時間食飯，上星期到西環採訪，見有半小時空檔，即抓緊時間吃個下午茶醫肚。那間名叫「心水小店」的台式食店，地方小小，只得10多個座位，主要供應台式麵食及飲品，其下午茶2:00pm便開始供應，當日我點了花枝條米粉加綠茶凍飲，埋單$24。價錢相宜，水準亦不俗，用的是爽口的台灣新竹米粉，花枝條亦頗彈牙，加上面頭灑上炸香了的蒜粒及冬菜，20多元換來如此的心機之作，超值。

周日闔家歡午餐

星期天，家庭日，吃喝成為主打節目，雖然敍天倫比食物來得重要，但也不能太沒水準。推介銅鑼灣Hooray逢星期日推出的半自助午餐，自助餐桌上有巴馬火腿、凍肉、沙律等頭盤，當然少不了飯後甜品。至於主菜選擇，除了肉扒、海鮮外，還有日式吉列咖喱豬扒飯，豬扒炸得外脆內嫩又Juicy，日本珍珠米亦煮得粒粒圓渾有口感，每位百多元，卻附送無敵靚景，啱晒一家人午餐聚會。