LG LZ9900 72吋超班3D震撼

點先為之最大？唔同廠商都各自有一把尺。正如3D電視，各品牌都自稱旗下型號是某技術、某規格、某標準中的「最大」。LG近日就引進全球最大、由她們首創的Cinema 3DTV LZ9900。這部LG旗艦級3D電視，擁有72吋大型顯示畫面，而且戴副又輕又色彩繽紛兼且唔易睇壞眼的偏光3D眼鏡，就可收睇到極吸引的立體視覺享受，難怪連黎明都帶同最新3D製作 MV《情》來撐場！

72吋到底有幾大？即是電視顯示畫面對角線有6呎咁長，同黎明身高差不多，極具視覺震撼！當然大家會質疑，明明有75吋甚至是過百吋的3D電視，咁72吋何來最大呢？答案在於顯示技術唔同，所以LG號稱LZ9900是全球最大Cinema 3DTV亦言之成理。

繽紛系3D眼鏡

畫面大當然好，但最緊要係顯示效果要夠出色，咁先睇得舒服。不少採用Frame Sequential顯示技術的3D電視，由於一定要用較大副、兼要充電的主動快門式3D眼鏡，不少用家詬病其太重，又易睇到頭暈，所以只需以較輕又不怕閃爍的被動式3D眼鏡就可觀看3D影像的FPR技術就方便得多。而LZ9900採用FPR技術，隨機附送橙色及白色各兩副3D眼鏡，色彩夠晒繽紛，若要開Party兼睇3D電視，還可配埋橙、白、青綠、藍及深藍五色的Party Set 3D眼鏡，價錢亦好經濟。

《情》 MV立體感凸出

稱得上頂級3D電視，LZ9900顯示技術亦是目前最高階級別，配備Full LED背光技術提升對比層次。Full LED背光技術的原理是將整個畫面劃分為多個區域，每個區塊有獨自的背光燈開關，如LZ9900畫面就被劃分成四百多個區域，能令背光顯示更均勻，而且顏色表現也較鮮艷。

要證明LZ9900層次表現有幾出色，當然要搵有分量的試片測試先得，就是黎明的最新《情》3D MV。之前《遲D見》屬快歌，MV易配合3D畫面，今次要將《情》這首慢歌拍成一個3D MV就有難度了，但睇見MV用卡高對比色調攝製，凸顯到LZ9900在對比層次上處理有多強，無論是女角現身、水花四濺，到MV尾段着火飛上天的黑色老爺車，3D效果都非常出色。雖然MV中「飛車」以慢動作3D展現，但實情係LZ9900亦配備TruMotion 400Hz動態顯示技術，睇完MV轉去睇運動比賽等高速移動畫面時，都唔會見到殘影，抵讚。此機畫面靚，音質表現亦強，立體音效下下入心。

Smart TV功能玩到盡

操作是否容易與擴充性能充足與否，都係高階用家考慮的元素。LZ9900屬於今年LG Smart TV設計，可以自行下載LG Apps到電視上提升娛樂功能及接收各類資訊，操作上可使用簡單直接在畫面點選的Magic Motion Remote Control，可省卻一般電視遙控器按鈕太多的不便，家中小朋友亦識用。LZ9900還支援Time Machine Ready錄影功能，另備可無線連接其他影音設備的Wireless AV Link無線影音傳輸技術，而且插上USB手指即可直接播放DivX HD Plus格式高清影片及其他主流格式影片，甚至可以Wi-Fi接上電腦或手機隔空睇片，娛樂瓣數應有盡有。

查詢：3543 7777