越食愈開心

鍾意睇飲食節目，感覺似味遊全世界，暫時脫離枯燥現實。早前「總司令」就帶隊食勻越南海鮮、地道小食，再加上靚人靚景，好吸引！小記收到風，香港逸東「智」酒店的餐廳Metro Buffet & Grill，將於11月推出越南美食自助餐：炒蟹、牛油大頭蝦、牛肉沙律、春卷、粉麵等，滋味嘗之不盡，簡直好似去咗當地一樣咁開心！

大頭蝦多膏鮮甜

越南美食多，十隻手指都數唔晒，小記愛食海鮮，頭號至愛是大頭蝦，餐廳揀選越南貨色，夠晒地道，大頭蝦隻隻多膏鮮甜，配以牛油、蒜蓉炮製，好惹味。又如越式炒蟹，用上香茅、魚露及辣椒等，將蟹炒至入味，滋味幾級跳！傳統越菜還有越式牛肉沙律、蝦春卷、蔗蝦、炸軟殼蟹及越式咖喱等，風味十足。

想來點新「煮」意嗎？這自助餐亦可滿足你，推介Fusion味道的海蝦鵝肝卷，以彈牙海蝦及甘香鵝肝做餡料，春卷外脆內軟，整體感覺有新意。而即席炮製的越式湯粉亦是賣點之一，牛骨湯底濃郁滋味，配以自選配料，就像「度身訂造」般貼心。餐廳網羅多款前菜、湯、熱盤、海鮮及甜品等，這次來開餐，保證「越」食愈開心！

日期：11月1日至11月30日

時間：6:00pm-9:30pm

收費：成人$328、小童$228（星期一至四）

成人$348、小童$248（星期五至日及 公眾假期）

查詢：2710 1863*另加一服務費