上海新大眾 首創大閘蟹到會服務

又到食大閘蟹的時候！每年9月中到12月初，都是品嘗大閘蟹的好時節，尤以現時到11月為甚，因為這段時間的蟹膏最爆最甘香！擁有四十多年歷史的老字號「上海新大眾」大閘蟹專門店，便為大家精心挑選出最靚最肥美的大閘蟹，每隻均來自水質及環境優良的太湖及陽澄湖，並取得國家級認證，通過A級綠色食品標準，保證食得安心又放心！今年更新增設到會服務，一於Call齊朋友上屋企等歎靚蟹！ p:優質保證

「上海新大眾」大閘蟹專門店歷史悠久，開店四十多年來已向不少廣州的食肆、酒店等批發上等大閘蟹，更成為當地的總經銷商，而且獲得農業部「無公害農產品標誌」及「無公害養殖基地」雙認證，以及通過中國綠色食品發展中心的「A級綠色食品標準」，絕無雌激素及重金屬，可見其大閘蟹品質之優秀！近年打入香港零售市場，香港顧客實在有口福，今年「上海新大眾」設有三十多個分銷點，遍及港九新界，包括九龍灣、鑽石山、旺角、美孚、元朗、大圍、東涌、灣仔等，想歎靚蟹幾時都咁就腳。

到會服務

去年「上海新大眾」推出先歎蟹後付款服務，買半籮或以上大閘蟹，可享免費送貨及附送品蟹用具、紫蘇葉、薑茶等外，更於翌日才派人上門收款，深受顧客歡迎和信賴。今年除繼續此服務，「上海新大眾」更自設工場，為的是將於今個月下旬加推到會服務，顧客只需提前一日預訂，蒸好的靚蟹就會依時送到府上，毋須親自動手蒸自然食得更乾手淨腳！

此外，「上海新大眾」有機會在明年率先引入自動販賣大閘蟹機，每隻大閘蟹均有獨立膠盒包裝，更可直接放入鍋裏蒸，到時想食靚蟹就更方便啦！

貯蟹貼士

一般來說，大閘蟹購買後約可存放7~10天，但為了令蟹仔更新鮮生猛，最好將牠們置於攝氏5~15度的雪櫃內，同時，為保持濕度和避免雪櫃出風口將蟹吹乾，宜在蟹身上鋪上濕毛巾，大閘蟹自然可保持新鮮。

太湖大閘蟹

頂蟹 （6.5~7.5両） $6,800一籮38隻/$3,400半籮19隻

特蟹 （5.5~6.4両） $4,900一籮48隻/$2,450半籮24隻

大蟹 （4.5~5.4両） $3,600一籮58隻/$1,800半籮29隻

中蟹 （3.5~4.4両） $2,700一籮68隻/$1,350半籮34隻

陽澄湖大閘蟹

頂蟹 （6.5~7.5両） $7,500一籮38隻/$3,750半籮19隻

特蟹 （5.5~6.4両） $5,600一籮48隻/$2,800半籮24隻

大蟹 （4.5~5.4両） $4,100一籮58隻/$2,050半籮29隻

中蟹 （3.5~4.4両） $3,000一籮68隻/$1,500半籮34隻