丼分高下新VS舊
曾幾何時，看見「丼」字，只會讀成「井」，連讀音都未搞得清，遑論明白其含義。直至本港飲食界大吹日本風，丼物經常出現在餐牌中，貪吃的我才知丼原來是指日式大碗飯，讀音為「當」。知其義後，便要知其味，講到在香港打正丼物旗號的，第一時間想到圓方的「丼丼屋」，店子最近更在旺角開了廉價版的「丼丼屋食堂」，到底貴好抑或平正？小記決定邀請網上食評人「唔食都知唔好食」（Edmond），試勻兩店。
網上食評達人Info
綽 號：唔食都知唔好食
嗜 好：港九新界到處試食，最愛先用鼻子嗅食物，香味行先，再用味蕾試真啲。
威水史：Blog齡2年，但已到過逾千間食肆評頭品足，是「開飯網」常客，同時擁有Facebook專頁，識飲識食，No Eat No Gain是其宗旨。
網 址：noeatnogain.blogspot.com/
試食檔案
丼丼屋
尖沙咀柯士甸道西1號圓方2樓
（查詢：2196 8589）
丼丼屋食堂
旺角花園街3-5號鴻威大廈1樓
（查詢：2783 0789）
Date：2011.09.15
位於圓方的「丼丼屋」，主打日式丼物和小食，口碑亦不錯，開業1年已在旺角開設分店，名為「丼丼屋食堂」，不少人慕名一試，直至截稿日為止，此店在「開飯網」的排名已上升至第4名，排名升幅更曾高踞榜首，氣勢強勁。雖然網上大讚旺角店「又抵又好食」，但所謂一分錢一分貨，旺角店價錢確實較低，但質素又會否將貨就價？小記向來都信自己多一點，決定親身落舖試一試！為求公正，更請來和我一樣嘴刁的網上食評人、於開飯網人氣指數高逾20萬、Fans亦有500人的「唔食都知唔好食」同往，先踩落旺角店，再到圓方店，從其食品、環境和服務方面評個優劣！
總評：圓方店略勝一籌
有說旺角店價錢較便宜，但試食當日發現，個別食物價錢相同，例如廣島蠔釜飯。總括而言，旺角店較相宜，質素卻略遜圓方店，但平心而論，以這個價錢來說，旺角店亦值得一試，但作為開飯網最近30日餐廳排行榜5大之一，就有點言過其實吧。
圓方丼丼屋：B+
旺角丼丼屋食堂：B-
滑蛋雞肉丼$78 7分
相比食堂，此丼貴30元，但分量和賣相差別不大，但此丼洋葱絲較多，因此味道較香。雞肉方則是粒狀，雖然有雪味，但較Presentable ，可惜質感過於濕潤，美中不足。
廣島蠔釜飯$98 6.5分
與食堂同價，而所用的蠔、湯底和配料亦相同，只是飯中的牛蒡絲和甘筍絲切得較為幼細，口感更豐富，而米的質感亦較黏稠，因此略勝一籌。
西京燒銀鱈魚$88 8分
Edmond話銀鱈魚級數比鯖魚高，笑言「貴$28都值得」！食落帶點甜味，很嫩滑，魚肉夾起不會散，無需蘸沙律醬亦好好食。若然能把魚皮燒得香脆點，便更Perfect！
滑蛋雞肉丼$48 6.5分
店內人氣丼物，網上評價甚高。Edmond早已聽聞店中所用的是秋田小町米，但一食卻有點失望，直言並不特別，米粒未夠飽滿，味道較鹹。值得一讚的是蛋夠滑，切條雞肉未經醃製，不過不失。
廣島蠔釜飯$98 5.5分
Edmond直言大失所望，飯未能吸收湯汁的精華，湯底估計是魚湯，但不夠香濃，未能帶起蠔鮮。4隻廣島蠔不夠飽滿，且蠔味不足。麵豉湯、漬物則質素平平，惟芝麻牛蒡甘筍絲，帶點辣香，開胃。
燒鯖魚$60 6.5分
兩間食堂同樣有燒魚供應，但種類卻不一樣。此鯖魚夠大條，肉質不韌口，魚味亦夠，以$60來說，算抵食。但燒得太乾身，汁料亦過濃。
8分 以紫色作主調，4人位較多，空間感亦較闊落，兼有些字畫屏風作擺設。Edmond話這裏光線較充足，小記卻認為用色沉實，燈光較暗，但我們皆認為此店較雅致舒適。
7.5分 侍應較多，至少有7個或以上，服務亦周到一點。見我們四圍望，侍應即主動前來詢問是否需要幫忙，埋單亦有侍應代勞。
6分 牆身和椅子同樣以紫色為主，廚房採半開放式，食客可欣賞師傅廚藝。但座位較狹窄，試食當日，3道菜同時上枱，即「唔夠位擺」，有待改善。
7分 偏向自助形式，例如客人需自己從餐枱上的筷子盒中拿取，埋單亦要自行走到櫃面，但職員尚算有禮，不錯。
Edmond