地道 西班牙饗宴

西班牙人運動叻，知名網球手、世界冠軍足球隊輩出，但其實講飲講食，更加在行。最愛聯群結隊去酒吧Happy Hour，傾偈飲酒食Tapas，還有舉世知名的火腿以及海鮮飯等等。想要感受地道滋味，不妨來海景咖啡廊的「西班牙風味宴」，大擦一餐吧！

先從小食開始品嘗

不妨將9月份稱為「西班牙月」吧！因為海景嘉福酒店咖啡廊會帶大家走進西班牙美食國度，盛宴大可先從小食開始，種類豐富得就像主角：醃肉、芝士拼盤（種類有Manchego、Iberico、Tetilla及Mahan）鹹香有致，繼而轉投西班牙沙甸魚伴番茄及辣汁；八爪魚沙律配西班牙辣肉腸及薯仔；香烤血腸配帶子。Tapas件頭細細，但邊食邊飲，就能帶動歡樂氣氛，令大家投入開懷。

西班牙的名物火腿，出名柔軟油潤，餐廳特選西班牙白毛豬火腿薄片，配以麵包及西班牙橄欖油品嘗，更能突出其甘香滋味。近來天氣酷熱，若想喝點涼快湯品，這裏就有西班牙杏仁香蒜凍湯，鮮甜美味，飽肚之選更有傳統西班牙炒飯，美食琳琅滿目，霎時間以為身在西班牙。

日期： 即日起至9月30日

時間： 6:30pm-10:00pm

收費： 成人$398、小童$248（星期一至四）

成人$458、小童$298（星期五至日、

公眾假期及其前夕）

查詢： 2731 2860*另加一服務費