Plantronics M1100別注版 聲控藍芽 銀影登場
對駕駛人士而言，藍芽耳機十分有用，但若長時間佩戴，當然要搵個舒服又方便的款式。最近Plantronics就推出旗艦藍芽耳機Savor M1100別注版，由早前的啞黑色換上了銀色邊框，更加醒神；而V形中空設計配合藍光指示燈，夠晒有型。最重要是M1100繼續採用專利耳膠設計，毋須耳勾即可固定耳機，唔易甩之餘，仲戴得好舒服！
三咪收音 聲控接Call
雖然外形的骰，不過M1100的功能絕對唔簡單，皆因採用了三咪設計，一個用作收人聲、另一個則收環境雜音、第三個則於極嘈雜的環境下啟動，確保通話清晰。而且更備有貼心的語音功能，除了有真人發聲提示你耳機剩餘電量、音量之外，更支援聲控接Call，當有來電時，講一聲「Answer」或者「Ignore」就可以選擇接唔接來電，掣都唔使，揸車時最啱用！
同場加映：M20性價比較高
如果嫌M1100太貴的話，Plantronic同場推出的入門級耳機M20或者適合你。M20支援藍芽3.0技術，可以連接大部分手提裝置，同時亦備有語音功能，操作方便。而最大特色是M20的通話時間長達11小時，加上16天的待機時間，傾足大半日都冇問題！
查詢：2395 3913
Plantronics M1100別注版 $998
耳機僅重9g，輕到好似冇戴咁！
採用專利耳膠設計，冇耳勾都可以將耳機固定於耳朵。
隨機附送三款耳膠，大、中、小適合不同耳形。
採用大路的microUSB介面，方便充電。
備有電源開關鍵，唔用嘅時候就可以慳番啲電。
耳機開啟時會着藍燈，中空折射好有型！
關機時就會閃一閃紅燈，咁就唔怕撳錯啦！
M20 採用金屬物料及流線型設計，外形不俗 $348